આણંદમાં વિધર્મી યુવતીએ હિન્દુ યુવક સાથે લગ્ન કર્યા. જેથી યુવતીને આશંકા છે કે તેના પિરવારજનો તેના પર હુમલો કરી શકે છે. પરિવારજનોએ તેના પતિને જાનથી મારી નાખવાની ધમકી પણ આપી છે. જેથી યુવતીએ સમગ્ર મામલે સોશિયલ મીડિયામાં વીડિયો અપલોડ કર્યો છે.
વિધર્મી યુવતીએ હિન્દુ યુવક સાથે કર્યા લગ્ન
લગ્ન કર્યા બાદ યુવતીએ માગ્યું પોલીસ પ્રોટેક્શન
યુવતીના પરિવારજનોએ તેના પતિને જાનથી મારી નાખવાની આપી ધમકી
આણંદ શહેરમાં એક વિધર્મી યુવતીએ હિન્દું યુવક સાથે લગ્ન કર્યા છે. જેના કારણે આ મુદ્દો રાજ્યમાં ચર્ચાનો વિષય બન્યો છે. જોકે તેમના લગ્ન બાદ તેમની સામે અનેક પડકારો આવી રહ્યા છે. કારણકે યુવતીના પિયરપક્ષને આ વાત જરા પણ નથી.
પોલીસ પ્રોટેક્શનની માગ
લગ્ન બાદ યુવતીના ઘરવાળા તરફથી તેને હુમલાની ધમકીઓ મળી રહી છે. જેથી હુમલાના ભયને કારણે વિધર્મી યુવતી દ્વારા પોલીસ પ્રોટેકશન માગવામાં આવ્યું છે. યુવતીને એવી આશંકા છે કે તેના પિયરપક્ષ તરફથી હુમલો કરવામાં આવી શકે છે. જેથી તેણે આ મામલે જિલ્લા પોલીસવડાને લેખિતમાં અરજી પણ કરી છે.
પતિને જાનથી મારી નાખવાની ધમકી
બંને પ્રેમી પંખીડાએ ગત 19 જૂનના રોજ લગ્ન કર્યા હતા. જોકે તે પહેલા યુવતીએ 17 જૂનના રોજ તેનું ઘર છોડી દીધું હતું. હાલ યુવતીના પિતાને આ લગ્ન મંજૂર નથી જેથી યુવતીને ડર છે કે તેના પરિવાર દ્વારા હિંસક હુમલો કરવામાં આવી શકે છે.વાત માત્ર હુમલા પર નથી અટકતી, કારણકે યુવતીના પરિવારજનોએ તેના પતિને જાનથી મારી નાખવાની ધમકી પણ આપી છે.
સોશિયલ મીડિયામાં વીડિયો વાયરલ
આ મામલે યુવતીએ સોશિયલ મીડિયા પર તેનો એક વીડિયો પણ વાયરલ કર્યો છે. જેમા તેણે એવું કહ્યું છે કે તેણે પોતાની મરજીથી તેના પ્રેમી સાથે લગ્ન કર્યા છે. સાથેજ તેણે વીડિયોમાં એવો ઉલ્લેખ પણ કર્યો છે કે તે લગ્ન કરીને ઘણી ખુશ છે. આ વીડિયો 30 સેકેન્ડનો છે. જે સોશિયલ મીડિયામાં હાલ ઘણો વાયરલ થયો છે.
લેખિત અરજીમાં નામનો ઉલ્લેખ
ઉલ્લેખનીય છે કે યુવતીએ લેખિતમાં જે અરજી આપી છે. તે અરજીમાં ઘણા લોકોનો ઉલ્લેખ કર્યો છે જેનાથી તેને ભય છે. આ લિસ્ટમાં તેના પિતા તેના મામા અને અન્ય લોકોના નામનો તેણે ઉલ્લેખ કર્યો છે. ઉપરાંત તેણે એવું કહ્યું છે કે જો તેના પતિને કઈ પણ થશે તો તેની જવાબદારી અરજીમાં જે લોકોના નામ આપ્યા છે તે લોકોની રહેશે.