આવનાર દિવસોમાં જો તમે ઓફિસમાં 30 મિનિટથી વધારે કામ કરો છો તો તમને ઓવરટાઈમ પૈસા મળશે. જી હા, હકીકતે મોદી સરકાર 1 ઓક્ટોબરથી લેબર કોડના નિયમોને લાગુ કરવા માંગે છે. જો દેશમાં લેબર કોડના નિયમો લાગુ કરવામાં આવે છે તો ઓફિસમાં કામ કરવાની રીત સંપૂર્ણ રીતે બદલાઈ જશે. આ નિયમના આવ્યા બાદ તમારા કામના કલાક વધી શકે છે. પરંતુ ઓવરટાઈમના નિયમ પણ બદલાઈ જશે. 30 મિનિટથી વધારે કામ પર કંપનીને ઓવરટાઈમના પૈસા આપવાના રહેશે. આટલું જ નહીં નવા લેબર કોડ હેઠળ કોઈ પણ કંરની પોતાના કર્મચારીને સતત 5 કલાકથી વધારે કામ નહીં કરાવી શકે. તેમને બ્રેક આપવાનો રહેશે.
કામની વચ્ચે આપવો પડશે આટલો બ્રેક
Labour Code Rules લાગુ થયવાથી કોઈ પણ કંપની 5 કલાથી વધારે પેતાના કર્મચારીઓ પાસે કામ નહીં કરાવી શકે. તેમને કર્મચારીઓને બ્રેક આપવો પડશે. ડ્રાફ્ટ નિયમોમાં કોઈ પણ કર્મચારી પાસે 5 કલાકથી વધુ સમય સતત કામ કરાવવા પર પ્રતિબંધ લગાવવામાં આવ્યો છે.
બદલાઈ જશે ઓવરટાઈમના નિયમ
OSH કોડના ડ્રાફ્ટ નિયમોમાં 15થી 30 મિનિટને પણ કામ માનીને 30 મિનિટ ગણીને તેને ઓવરટાઈમમાં શામેલ કરવાની જોગવાઈ કરવામાં આવી છે. હાલના નિયમોમાં 30 મિનિટથી ઓછો સમય ઓવરટાઈમ યોગ્ય નથી માનવામાં આવતો.