સુરતની 3 શાળાને શિક્ષણાધિકારીએ નોટિસ ફટકારી છે. તમામ શાળામાં ગુજરાતી ફરજિયાત કરવાનો શિક્ષણ વિભાગે આદેશ આપ્યો છે.
સુરતની 3 શાળાને ફટકારાઈ નોટિસ
ગુજરાતી ન ભણાવવા બદલ નોટિસ
શિક્ષણાધિકારીએ માંગ્યો ખુલાસો
રાજ્યની પ્રાથમિક શાળાઓમાં ગુજરાતી ભણાવવા અને ફરજિયાત કરવા મામલે થોડા દિવસ અગાઉ ગુજરાત હાઈકોર્ટમાં સુનાવણી હાથ ધરાઈ હતી. જેમાં ગુજરાત હાઈકોર્ટે અભ્યાસ ક્રમમાં ગુજરાતી ભાષાનો સમાવેશ કરવા સરકારને ટકોર કરી હતી. સાથે જ જે શાળા અભ્યાસક્રમમાં ગુજરાતી ભાષાનો સમાવેશ ન કરે તેની સામે કાર્યવાહી કરવા જણાવ્યું હતું. ગુજરાત હાઈકોર્ટે કહ્યું હતું કે, તમામ બોર્ડને ગુજરાતી ફરજિયાત નિયમ લાગુ પડે છે.
સુરતની 3 સ્કૂલોને નોટિસ
આ બધાની વચ્ચે સુરતની ત્રણ સ્કૂલો દ્વારા વિદ્યાર્થીઓને ગુજરાતી ભણાવવામાં આવતુ ન હોવાનું સામે આવતા જિલ્લા શિક્ષણાધિકારીએ ત્રણેય સ્કૂલોને નોટિસ ફટકારી છે.
ગુજરાતી ન ભણાવતી હોવાનું આવ્યું હતું સામે
ગુજરાતી ન ભણાવતી સુરતની 3 શાળાને શિક્ષણાધિકારીએ નોટિસ ફટકારી છે. સુરતના વેસુની વાઈટ લોટસ ઇન્ટરનેશનલ સ્કૂલને નોટિસ અપાઈ છે. જ્યારે ડુમસની કેન્દ્રીય વિદ્યાલય અને મગદલાની કેન્દ્રીય વિદ્યાલયને પણ નોટિસ ફટકારવામાં આવી છે.
શિક્ષણ અધિકારીએ માંગ્યો ખુલાસો
શિક્ષણ અધિકારી દીપક દરજીએ ત્રણેય શાળાઓને નોટિસ ફટકારી ખુલાસો માંગ્યો છે. મહત્વનું છે કે, શિક્ષણ વિભાગે તમામ શાળામાં ગુજરાતી ફરજિયાત કરવાનો આદેશ આપ્યો હતો.