મુંબઈમાં શાંતિ સુનિશ્ચિત કરવા અને જાહેર વ્યવસ્થામાં કોઈપણ પ્રકારની ખલેલ ટાળવા માટે મુંબઈ પોલીસે 4 ડિસેમ્બરથી કરીને 2જી જાન્યુઆરી સુધી કલમ 144 લાગુ કરી દીધી છે.
મુંબઈમાં અચાનક કલમ 144 લાગુ કરવાનો આદેશ આપવામાં આવ્યો
મુંબઈમાં 4 ડિસેમ્બરથી કરીને 2જી જાન્યુઆરી સુધી કલમ 144 લાગુ
મહારાષ્ટ્રની રાજધાની મુંબઈમાં અચાનક કલમ 144 લાગુ કરવાનો આદેશ આપવામાં આવ્યો છે. મળતી જાણકારી અનુસાર મુંબઈ શહેરમાં શાંતિ સુનિશ્ચિત કરવા અને જાહેર વ્યવસ્થામાં કોઈપણ પ્રકારની ખલેલ ટાળવા માટે મુંબઈ પોલીસે 4 ડિસેમ્બરથી કરીને 2જી જાન્યુઆરી સુધી કલમ 144 લાગુ કરી દીધી છે.એટલે કે હવે મુંબઈમાં કોઈ એક જગ્યાએ પાંચ કે તેથી વધુ લોકોના એકઠા થવા પર પણ પ્રતિબંધ મુકવામાં આવ્યો છે.
જણાવી દઈએ કે મુંબઈ પોલીસ દ્વારા જારી કરાયેલા આદેશ અનુસાર શહેરમાં કલમ 144 સાથે સાથે 4 ડિસેમ્બર 2022થી 2 જાન્યુઆરી 2023 સુધી હથિયારો, ફાયર આર્મ્સ, તલવારો અને અન્ય હથિયારો પર પણ પ્રતિબંધ મૂકવામાં આવ્યો છે. એટલું જ નહીં 4 ડિસેમ્બર 2022થી 2 જાન્યુઆરી 2023 દરમિયાન જાહેર સ્થળોએ સૂત્રોચ્ચાર, પ્રદર્શન અને ગીતોના પ્રદર્શન પર પણ પ્રતિબંધ મૂકવામાં આવ્યો છે.
2 જાન્યુઆરી સુધી મુંબઈમાં શું પ્રતિબંધ રહેશે
- લાઉડ સ્પીકર, સંગીતનાં સાધનો અને બેન્ડ વગાડવા સહિત ફટાકડા ફોડવા પર પ્રતિબંધ.
- દરેક પ્રકારના લગ્ન સમારોહ, અંતિમ સંસ્કાર સભા, કબ્રસ્તાનના માર્ગમાં જુલૂસ, કંપનીઓ, ક્લબ, સહકારી મંડળીઓ અને અન્ય મંડળોની મોટી સભાઓ પર પ્રતિબંધ.
- સરકારી કે અર્ધ-સરકારી કામ કરતી સરકારી કચેરીઓ, અદાલતો અને સ્થાનિક સંસ્થાઓની આસપાસ 5 કે તેથી વધુ લોકો એકઠા થવા પર પ્રતિબંધ.
- ક્લબ, થિયેટર કે સાર્વજનિક મનોરંજનની આસપાસ પર વધુ લોકોના એકઠા થવા પર પ્રતિબંધ.
- કોઈ પણ શૈક્ષણિક ગતિવિધિઓ માટે શાળા, કોલેજ એનએ કોઈ શૈક્ષણિક સંસ્થાની બેઠક પર પણ પ્રતિબંધ
મુંબઈ પોલીસ દ્વારા જારી કરવામાં આવેલી પ્રેસ રિલીઝમાં કહેવામાં આવ્યું છે કે આદેશોનું ઉલ્લંઘન કરનારાઓ સામે કડક કાર્યવાહી કરવામાં આવશે.