ઓર્ડર / સૌરાષ્ટ્રના 2 જિલ્લામાં સુરતના પોલીસ અધિકારીઓ સંભાળશે વધારાનો ચાર્જ, DGP આશિષ ભાટિયાનો આદેશ

• DGP આશિષ ભાટિયાનો આદેશ
• સુરતના 2 નાયબ પોલીસ અધિક્ષકને સોંપાયા વધારાના ચાર્જ
• જેતપુર વિભાગ, જામનગર વિભાગમાં વિભાગીય પોલીસ અધિકારીનો સોંપી જવાબદારી

પોલીસ મહાનિર્દેશક આશિષ ભાટિયાએ સુરતના 2 પોલીસ અધિકારીઓ માટે આદેશ રવાના કર્યા છે. પોલીસ અધિકારી જેતપુર વિભાગ, રાજકોટ ગ્રામ્યનો તેમજ વિભાગીય પોલીસ અધિકારી, જામનગર વિભાગની ખાલી પડેલી જગ્યા પર વધારાનો હવાલો સોંપ્યો છે. 

વિભાગીય પોલીસ અધિકારી જેતપુર વિભાગનો ચાર્જ કોણે સોંપાયો?
વિભાગીય પોલીસ અધિકારી જેતપુર વિભાગ, રાજકોટ ગ્રામ્યની ખાલી પડેલ જગ્યા પર વધારાનો હવાલો  મયુર એમ,રાજપુત, નાયબ પોલીસ અધિક્ષક, સુરત શહેર નાઓએ બીજો હુકમ ના થાય ત્યાં સુધી સંભાળવાનો રહેશે

વિભાગીય પોલીસ અધિકારી, જામનગર વિભાગ નો ચાર્જ કોણે સોંપાયો?
વિભાગીય પોલીસ અધિકારી, જામનગર વિભાગ, જીલ્લો જામનગરની ખાલી પડેલ જગ્યા પર વધારાનો હવાલો જયવિરસિંહ એન.ઝલા, નાયબ પોલીસ અધિક્ષક, સુરત શહેર નાઓએ બીજો હુકમ ના થાય ત્યાં સુધી સંભાળવાનો રહેશે

કેમ્પ રાખી કચેરીને જાણ કરવા નિર્દેશ
ઉક્ત બન્ને અધિકારીઓએ સોંપવામાં આવેલ વધારાના ચાર્જ વાળી જગ્યાએ કેમ્પ રાખવાનો રહેશે. તેમજ સદર જગ્યાનો ચાર્જ સંભાળી તે અંગેની જાણ ગૃહ વિભાગ તથા અત્રેની કચેરી ખાતે કરવાની રહેશે.

પરિપત્ર