અમદાવાદમાં રખડતા ઢોરને પકડવાની કાર્યવાહી હજુ તો શરૂ થઈ ત્યાં ઢોરવાડા થઈ ગયા ફૂલ, 4 હજાર 800 ઢોરને 3 મહિના સુધી ન છોડવા સૂચના
અમદાવાદમાં રખડતા ઢોરનો મામલો
હેલ્થ એન્ડ સોલીડ વેસ્ટ મેનેજમેન્ટ કમિટીમાં થઈ ચર્ચા
રખડતાં ઢોરને પકડી ટેગ મારવા અપાઈ સૂચના
રાજ્યમાં રખડતા પશુનો ત્રાસ યથાવત છે. પશુના કારણે અનેક અકસ્માતો થાય છે છતાં તંત્ર કોઈ એક્શન મોડમાં આવતું નથી. રખડતા ઢોરને લઇને ગુજરાત હાઇકોર્ટે પણ સતત AMCને કડક આદેશ આપી રહી છે. જેના ભાગરૂપે થોડી ઘણી કાર્યવાહી કરી રખડતાં ઢોરને પકડી લેવાની કાર્યવાહી હાથ ધરાઇ હતી.
રખડતાં ઢોરને પકડી ટેગ મારવા અપાઈ સૂચના
ત્યારે હવે રખડતા ઢોરથી AMCના ઢોરવાડા ફુલ થયા છે. હેલ્થ એન્ડ સોલીડ વેસ્ટ મેનેજમેન્ટ કમિટીમાં આ અંગે ચર્ચા થઈ છે. રખડતાં ઢોરને પકડી ટેગ મારવાની સૂચના આપી દેવામાં આવી છે. નિયમ પ્રમાણે દંડ વસુલી 3 મહિના સુધી ઢોર ન છોડવા આદેશ અપાયા છે. અમદાવાદનાં બંને ઢોરવાડામાં 4 હજાર 800 ઢોર રાખવામાં આવ્યા છે.
ઢોર પકડવાની કામગીરી ઢીલી કરાઇ
અમદાવાદ શહેરમાં હજુ પણ રખડતી ગાયોની સમસ્યા દૂર થઈ નથી. કોર્પોરેશનનું માનીએ તો હજુ ગાયો પકડવાની કામગીરી થોડી ધીમી ચાલશે કારણ કે કોર્પોરેશન પાસે જે બે ઢોર વાળા છે તે ફૂલ થઈ ગયા છે અને આથી જ નવા ઢોર વાળા ન બને ત્યાં સુધી ગાયો પકડવાની કામગીરી સઘન કરી શકાશે નહીં..રખડતાં ઢોર મામલે હેલ્થ એન્ડ સોલીડ વેસ્ટ કમિટી માં ચર્ચા થઈ હતી જેમા અમદાવાદના ઢોર વાળામાં ઢોરની સ્થિતિ અંગે ચર્ચા થઇ.દાણીલીમડા ઢોર વાળામાં 3300 અને બાકરોલમાં 1500 ઢોર રાખવામાં આવ્યા છે. કૉર્પોરેશન દ્વારા નવા ઢોર વાળા બની રહ્યા છે. આ સાથે જે પણ ઢોર પકડાય છે તેઓ માંથી કેટલાકને મેડિકલ સારવારની જરૂર ઊભી થાય છે. આથી વેટનારી ડોકટરની વ્યવસ્થા પણ કરવાની બાકી છે ત્યારે હલ ઢોર પકડવાની કામગીરી ધીમી ગતિએ ચાલે છે.
રખડતાં ઢોરને લીધે એક વર્ષમાં 4,860 અકસ્માતના બનાવો
રાજ્યમાં રખડતા ઢોરથી છેલ્લા એક વર્ષમાં અધધ 4,860 અકસ્માતના બનાવો બન્યા છે. જેમાં કેટલાય લોકો ગંભીર રીતે ઇજાગ્રસ્ત થયા હતા તો કેટલાય લોકો મોતને ભેટયા હતા. ત્યારે VTV ન્યૂઝ પાસે રખડતા ઢોરના ત્રાસની એક્સક્લુઝિવ માહિતી છે. ઓગસ્ટ 2021માં 314 અકસ્માત રખડતાં ઢોરને કારણે થયા હતા. જ્યારે સપ્ટેમ્બર 2021માં 372, ઓક્ટોબર 2021માં 447, નવેમ્બર 2021માં 438 ડિસેમ્બર 2021માં 375 અકસ્માત થયા હતા. જ્યારે ચાલુ વર્ષે જાન્યુઆરી 2022માં 375, ફેબ્રુઆરીમાં 359 અકસ્માત, માર્ચમાં 392 એપ્રિલમાં 465 અકસ્માત, મે મહિનામાં 444, જૂન મહિનામાં 423 જૂલાઇમાં 457 લોકો ઢોરની અડફેટે ચડયા હતા.