IPL 2021 / ઓરેન્જ કેપઃ ટોપ ફાઇવ બેટરમાં સામેલ થયો ઋતુરાજ ગાયકવાડ

• ઓરેન્જ કેપની રેસમાં સામેલ આ 5 ખેલાડીઓનો થયો સમાવેશ
• વેન્કટેશ ઐયર અને રાહુલ ત્રિપાઠીનો ન થયો સમાવેશ
• ચેન્નઈ સુપર કિંગ્સના ઓપનર ઋતુરાજ ગાયકવાડે મેળવ્યું સ્થાન

શિખર ધવન

દિલ્હી કેપિટલ્સનો ઓપનિંગ બેટ્સમેન શિખર આઇપીએલની વર્તમાન સિઝનમાં સૌથી વધુ રન બનાવવાના મામલામાં હાલ ટોચના સ્થાન પર છે. શિખર ધવન અત્યાર સુધી નવ મેચમાં ૫૨.૭૫ની સરેરાશથી અને ૧૩૧.૮૭ના શાનદાર સ્ટ્રાઇક રેટથી ૪૨૨ રન ફટકારી ચૂક્યો છે. જો બાકીની મેચમાં પણ ધવનનું બેટ આવી જ રીતે રન ઓકતું રહેશે તો ઓરેન્જ કેપ પર કબજો જમાવતાં તેને કોઈ રોકી નહીં શકે.

કે.એલ. રાહુલ 

રાજસ્થાન રોયલ્સ સામે પંજાબ કિંગ્સના કેપ્ટન રાહુલ (૪૯) ભલે અર્ધસદી ચૂકી ગયો હોય, પરંતુ આ સિઝનમાં સૌથી વધુ રન બનાવનારા ખેલાડીઓની યાદીમાં તે બીજા સ્થાન પર છે. રાહુલ આઇપીએલની વર્તમાન સિઝનમાં ૩૮૦ રન બનાવી ચૂક્યો છે.

ફાફ ડુ પ્લેસિસ 

ચેન્નઈ સુપર કિંગ્સનો ઓપનર ફાફ ડુ પ્લેસિસ આઇપીએલ-૨૦૨૧માં ત્રીજો સૌથી વધુ રન બનાવનારો બેટર છે. ડુ પ્લેસિસે આરસીબી સામે ૩૧ રનની ઇનિંગ્સ રમી હતી અને હવે આ સિઝનમાં તેના નામે ૩૫૧ રન નોંધાઈ ચૂક્યા છે. ઓરેન્જ કેપની રેસમાં તે ત્રીજા નંબર પર છે.

મયંક અગ્રવાલ 

રાજસ્થાન રોયલ્સ સામેની મેચમાં ૬૭ રનની ધમાકેદાર ઇનિંગ્સ રમ્યા બાદ પંજાબ કિંગ્સનો મયંક અગ્રવાલ ઓરેન્જ કેપની રેસમાં ચોથા સ્થાને પહોંચી ગયો છે. આઇપીએલની વર્તમાન સિઝનમાં મયંકના નામે ૩૭૨ રન નોંધાઈ ચૂક્યા છે.

ઋતુરાજ ગાયકવાડ

ચેન્નઈ સુપર કિંગ્સના વધુ એક ઓપનર ઋતુરાજ ગાયકવાડે પણ ટોપ ફાઇવ બેટરમાં સ્થાન મેળવી લીધું છે. ગઈ કાલે આરસીબી સામે ૩૮ રનની ઇનિંગ્સ રમ્યા બાદ ઋતુરાજ ગાયકવાડે પૃથ્વી શોને પાછળ છોડી દીધો છે અને આ સિઝનમાં ૩૨૨ રન સાથે તે ઓરેન્જ કેપની રેસમાં પાંચમા સ્થાને આવી ગયો છે.