ઉનાળો / ગુજરાત પર સુર્યદેવ કોપાયમાન, ઠેર-ઠેર ઓરેન્જ એલર્ટ, લોકો પહોંચ્યા સ્નો પાર્ક

જ્યાં નાના ભૂલકાથી લઈને મોટેરાઓ સુધી તમામ લોકોએ મોજ મસ્તી કરી હતી. તો એક બીજાને બરફ મારીને પણ મજા માણતા લોકો નજરે પડ્યા હતા. તો બીજી તરફ સુરતમાં પણ લોકો ગરમીથી રાહત મેળવવા માટે વોટર પાર્કનો સહારો લઈ રહ્યા છે. 

વોટર પાર્કમાં યુવાનો મજા માણતા નજરે પડ્યા હતા. તો વોટર પાર્કમાં યુવાનોએ વિવિધ રાઈડ્સની મજા માણી હતી. અને ડાન્સ પણ કર્યો હતો. તો બીજી તરફ અરવલ્લીમાં પાણીની તંગી સર્જાઈ છે. 

અરવલ્લીના 5 ગામના લોકોએ મેશ્વો ડેમમાંથી પાણી છોડવાની માગણી કરી છે. ખેરંચા, શામળપુર, વજાપુર, ભવાનપુર ગામના લોકોએ આ માગણી કરી છે. અને તેના માટે ગ્રામજનોએ નદીમાં રામધૂન કરી હતી. અને મહિલાઓ પાણીના બેડા લઈને નદીમાં જ બેસી ગઈ હતી. 

સુરતમાં આજે ઓરેન્જ એલર્ટ જાહેર કરાયું, તાપમાન 43 ડીગ્રી સુધી પહોચે તેવી શક્યતા, તમામ BRTS બસ સ્ટોપ ઉપર પાણી, ORSની સવલત#Surat #Heatwave #orangealert pic.twitter.com/MrEYyVxdXE

— VTV Gujarati News (@VtvGujarati) April 27, 2019

રાજ્યમાં દિવસે દિવસે પારો વધી રહ્યો છે. મોટા ભાગના શહેરોમાં પારો 42ને પાર પહોંચ્યો છે. ગરમી વધુ હોવાના કારણે લોકો ઠંડા પ્રદેશમાં જતા હોય છે. ત્યારે સુરતમાં ગરમીથી રાહત મેળવવા માટે લોકો વોટરપાર્કમાં પહોંચે છે. હાલમાં લોકો વોટરપાર્કની મજા માળી રહ્યા છે.. વોટરપાર્કથી લોકોને થોડા સમય માટે ગરમીથી રાહત મળે છે.