જાહેરાત / હવે આ કંપની પાસે હશે TikTokનો અમેરિકી બિઝનેસ, ByteDance સાથે કરી ડીલની જાહેરાત

• હવે આ કંપની પાસે હશે  TikTokનો અમેરિકી બિઝનેસ
• ByteDance  સાથે કરી ડીલની જાહેરાત
• અમેરિકી સરકારની ડીલને લઈને મંજૂરી બાકી

ઓરેકલે સોમવારે એક નિવેદન જાહેર કર્યું હતું અને તેમાં કહેવાયું હતું કે ઓરેકલ સેક્રેટરી મ્નુચિનના નિવેદનને સમર્થન આપે છે. ટ્રેજરી ડિપાર્ટમેન્ટે બાઈટ ડાંસ સાથેની ડીલને માટે પ્રસ્તાવ મોકલ્યો છે. ઓરેકલ આ કંપનીની ભરોસાવાજી ટેક્નોલોજી પાર્ટનરની રીતે કામ કરશે. ટિકટોકે દાવો કર્યો છે કે અમેરિકામાં તેના લગભગ 10 કરોડ એક્ટિવ યૂઝર્સ છે જેનો મોટો ભાગ યુવાવર્ગ છે. 

અમેરિકી સરકાર આ અઠવાડિયે ડીલનો રિવ્યૂ કરશે
આ પહેલાં પણ મ્નુચિને કહ્યું હતું કે અમેરિકી સરકાર આ અઠવાડિયે ડીલનો રિવ્યૂ કરશે. આ સમયે તેઓએ કહ્યું હતું કે આ ડીલનું એક જ લક્ષ્ય છે. તે એ કે અમેરિકીઓના ડેટાને સુરક્ષિત રાખી શકાય. તેમના ફોન સુરક્ષિત રહી શકે, આ માટે અમારી ટેક્નિકલ ટીમ આવનારા કેટલાક દિવસોમાં ઓરેકલથી વાત કરશે. ડીલની જાહેરાત બાદ અમેરિકી શેર માર્કેટમાં પણ ઉછાળો જોવા મળ્યો હતો. 

અમેરિકામાં ટિકટોક પર પ્રતિબંધનો હતો ખતરો
ઉલ્લેખનીય છે કે અમેરિકી લોકોના વ્યક્તિગત ડેટાને ખતરો ગણાવતા ટ્રમ્પ સરકારે ટિકટોકની માલિકી કંપનીને 20 સપ્ટેમ્બર સુધીની ડેડલાઈન આપી હતી. કંપનીએ આ સમયમાં અમેરિકામાં ટિકટોકના કરાબોરને વેચવાની જાહેરાત કરી હતી. આવું ન થાય તો 29 સપ્ટેમ્બર સુધી તેની પર પ્રતિબંધનો ખતરો લાગી શકે છે. આ ડીલને 12 નવેમ્બર 2020 સુધીમાં પૂરી કરાશે. ટિકટોકે કહ્યું છે કે તે ચીની સરકારની સાથે યૂઝર્સ ડેટાને શેર કરશે નહીં. 

આ ડીલથી ઓરેકલને કેવી રીતે મળશે ફાયદો
જો બાઈટ ડાંસ અને ઓરેકલની વચ્ચે આ ડીલને અમેરિકી સરકારની મંજૂરી મળે છે તો તેનાથી ઓરેકલના ક્લાઉડ બિઝનેસને ફાયદો થશે. આશા રાખવામાં આવી રહી છે કે તેનાથી યુવા ગ્રાહકો સુધી ઓરેકલની હાજરી વધશે અને તેમને જાહેરાત માટે પણ સારી સ્પેસ મળી શકશે. 
 
ડીલ પહેલાં જ રિજેક્ટ થઈ ચૂક્યું છે માઈક્રોસોફ્ટ
ઉલ્લેખનીય છે કે ટિકટોકનો અમેરિકી બિઝનેસને ખરીદવા માટે દિગ્ગજ કંપની માઈક્રોસોફ્ટ પણ રેસમાં હતી. માઈક્રોસોફ્ટની બોલીને રિજેક્ટ કરાઈ હતી. ત્યારબાદ કંપનીએ રવિવારે જાહેરાત કરી કે તેણે પોતાનું નામ પરત લીધું છે. માઈક્રોસોફ્ટે 2 ઓગસ્ટે પહેલી વખત ટિકટોકમાં રસ દાખવ્યો હતો. તેના વોલમાર્ટે પણ પોતાના ઈ કોમર્સ પ્લેટફોર્મને બુસ્ટ કરવા માટે ટિકટોક ખરીદવાની ઈચ્છા જાહેર કરી હતી.