દેશ / 23 જૂનનાં પટનામાં યોજાશે વિપક્ષી દળોની બેઠક, રાહુલ ગાંધી સહિત આ મોટા નેતાઓ આપશે હાજરી

• પટનામાં 23 જૂનનાં રોજ યોજાશે વિપક્ષી દળોની બેઠક
• JDUનાં અધ્યક્ષે આપી માહિતી
• રાહુલ ગાંધી ,મમતા બેનર્જી સહિત અનેક નેતાઓ આપશે હાજરી

પટનામાં વિપક્ષી દળોની બેઠક પહેલાં 12 જૂનનાં રોજ થવા જઈ રહી હતી. પરંતુ હવે નીતીશ કુમારની પાર્ટી JDUનાં અધ્યક્ષ લલન સિંહે બુધવારે જણાવ્યું કે હવે આ બેઠક 23 જૂનનાં રોજ થશે. આ બેઠકમાં કોંગ્રેસ નેતા રાહુલ ગાંધી પણ શામેલ થશે. આ સિવાય કોંગ્રેસ અધ્યક્ષ મલ્લિકાર્જુન ખરગે, મમતા બેનર્જી, ઉદ્ધવ ઠાકરે, શરદ પવાર, કેજરીવાલ, હેમંત સોરેન, સ્ટાલિન, અખિલેશ યાદવ પણ શામેલ થશે. એવું જાણવા મળી રહ્યું છે કે આ તમામ નેતાઓની સહમતી બાદ 23 જૂનની તારીખ ફાઈનલ કરવામાં આવી છે.આ બેઠકમાં લેફ્ટનાં નેતા સીતારામ યેચુરી, ડી રાજા, દીપાંકર ભટ્ટાચાર્ય વગેરે નેતાઓ પણ શામેલ થશે. 

महागठबंधन दलों सहित देश के विभिन्न विपक्षी पार्टियों की संयुक्त बैठक राजधानी पटना में आने वाली 23 जून को होने की घोषणा की गई है!

⁦@LalanSingh_1⁩ ⁦@yadavtejashwi⁩ ⁦#bihar #बिहार pic.twitter.com/S761t6MaFV

— RJD Media (@Media_RJD) June 7, 2023

12 જૂનનાં થવાની હતી બેઠક
અત્રે ઉલ્લેખનીય છે કે નીતીશ કુમાર 2024ની લોકસભા ચૂંટણીમાં મોદી-ભાજપ સામે લડવા માટે વિપક્ષી એકતા થાય તે માટે મહેનત કરી રહ્યાં છે. CM નીતીશ કુમારે પહેલાં તમામ વિપક્ષી પાર્ટીનાં મુખ્ય નેતાઓ સાથે પર્સનલ બેઠક કરી હતી જે બાદ તમામ વિપક્ષી દળોની સંયુક્ત બેઠક 12 જૂનનાં રોજ પટના ખાતે થવાની હતી. હવે આ બેઠક અંગે 23 જૂનની તારીખ જાહેર કરવામાં આવી છે.