બજેટ સત્ર / સંસદમાં હોબાળો: પેટ્રોલ-ડીઝલ અને રસોઈ ગેસના ભાવ વધારા પર વિપક્ષનો વિરોધ, કાર્યવાહી સ્થગિત

• પેટ્રોલ અને ડીઝલના ભાવને લઈને સંસદમાં હોબાળો
• વિપક્ષી પાર્ટીઓએ સરકારનો કર્યો વિરોધ
• સાંસદોએ સદનમાંથી કર્યું વોકઆઉટ

પેટ્રોલ, ડીઝલ અને ઘરેલૂ રસોઈ ગેસની કિંમતોમાં થયેલા વધારાને લઈને મંગળવારે સંસદના બંને ગૃહમાં વિપક્ષી પાર્ટીઓ ભારે હોબાળો મચાવ્યો હતો. આ કારણે બંને સદનની કાર્યવાહી સ્થગિત કરી દેવામાં આવી હતી.

11 વાગ્યે સદનની કાર્યવાહી શરૂ થઈ

સવારે 11 વાગ્યે રાજ્યસભાની કાર્યવાહી શરૂ થવા પર સભાપતિ એમ વેંકૈયા નાયડૂએ આજે વિશ્વ જળ દિવસ હોવાનો ઉલ્લેખ કર્યો અને જળ સંરક્ષણની દિશામાં કામ કરવાની જરૂરિયાત પર ભાર આપ્યો હતો. સદનમાં ચીનમાં સોમવારે થયેલી વિમાન દુર્ઘટનામાં માર્યા ગયેલા લોકોને શ્રદ્ધાંજલિ આપી અને થોડી વાર માટે મૌન ધારણ કર્યું હતું.

Rajya Sabha adjourned till 12 noon today amid ruckus created by opposition parties on price rise. pic.twitter.com/kDpg7fCfWh

— ANI (@ANI) March 22, 2022

પેટ્રોલ અને ડીઝલ તથા ગેસના ભાવ પર નોટિસ આપી

સભાપતિએ ત્યાર બાદ જરૂરી દસ્તાવેજ સદનના પટલ પર રખાવ્યા અને સદનને જણાવ્યું કે, પેટ્રોલ અને ડીઝલ તથા એલપીજીની કિંમતના મુદ્દા પર કોંગ્રેસે શક્તિ સિંહ ગોહિલ, તૃણમૂલ કોંગ્રેસની ડોલા સેના સહિત અમુક સભ્યોએ નિયમ 267 અંતર્ગત નોટિસ આપવામાં આવી હતી. તમામ નોટિસને સ્વિકાર કરતા તેમને શૂન્ય કાળ અંતર્ગત મુદ્દા ઉઠાવવા માટે રાષ્ટ્રવાદી કોંગ્રેસ પાર્ટીના સભ્ય વંદના ચૌહાણનું નામ બોલ્યા. ત્યાર બાદ કોંગ્રેસ, ટીએમસી, ડાબેરી સહિત કેટલાય પક્ષોના સભ્યોએ હોબાળો મચાવ્યો અને નારેબાજી કરી હતી. 

સભાપતિએ ટોક્યો પર વિપક્ષે વિરોધ ચાલુ રાખ્યો

નાયડૂએ સભ્યોને ભલામણ કરી કે, અનુદાન માગ પર થનારી ચર્ચા દરમિયાન આ મુદ્દો ઉઠાવી શકે છે. પણ વિપક્ષી પાર્ટીના સભ્યો પર તેમની અપીલની કોઈ અસર થઈ નહીં. આ દરમિયાન વિપક્ષી પાર્ટીના સભ્યોએ નારેબાજી કરી હતી. સભાપતિએ હોબાળો કરનારા સભ્યોને પોસ્ટર લઈને પ્રદર્શન નહીં કરવાની ચેતવણી આપી હતી. તેમ છતાં પણ હોબાળો રોકતા નહીં સદનની કાર્યવાહી 11 વાગ્યેને 10 મિનિટ પર બપોરે 12 વાગ્યા સુધી સ્થિગત કરી દેવામા આવી હતી.

ભાવ વધારો પાછો ખેંચવાની માગ

કેટલાય વિપક્ષી દળોના સભ્યોએ પેટ્રોલ, ડીઝલ અને રસોઈ ગેસના ભાવમાં વધારાના વિષયને મંગળવારે લોકસભામાં ઉઠાવ્યો અને સરકારને આગ્રહ કર્યો કે, કિમતોમાં વધારો પાછો ખેંચવામા આવે. આ સાથે જ તેમણે સદનમાં વોકઆઉટ કર્યું હતું.