અમદાવાદ: દેશમાં વિવિધ સ્થળોના નામ બદલવાનો સિલસિલો ચાલી રહ્યો છે. ત્યારે ગુજરાતમાં અમદાવાદનું નામ બદલવા માટે પણ ચર્ચા વિચારણા ચાલી રહી છે.
અમદાવાદનું નામ કર્ણાવતી રાખવા માટે હાલ કાયદાકીય પ્રક્રિયા ચાલી રહી છે. નામ બદલવાને લઈને કેટલાંકમાં રોષ છે તો કેટલાંકમાં આનંદ છે. પણ હવે આ નામ બદલવાને લઈને જે રોષ છે છેક સોશિયલ મીડિયામાં પહોંચ્યો છે.
WWW.CHANGE.ORG નામની વેબસાઈટ પર ઓનલાઈન અપીલ થઈ છે. જેમાં અમદાવાદનું નામ ન બદલવા માટે અપીલ કરવામાં આવી છે. નામ બદલાના વિરોધમાં ઓનલાઈન અપીલ થઈ છે. આ અપીલને 10 હજારથી પણ વધુ લોકોનું સમર્થન મળ્યું છે. એટલું જ નહીં પણ આ આપીલને કોંગ્રેસનું પણ સમર્થન મળ્યું છે.
ત્યારે હવે અમદાવાદનું નામ બદલાશે કે યથાવત રહેશે એ તો ભવિષ્યમાં જ ખબર પડશે. જો કે નામ ન બદલવા માટે કેટલાય લોકો મેદાન પડ્યા છે. એટલું જ નહીં અમદાવાદ એવું નામ છે કે લોકમુખે ચઢી ગયુ છે ત્યારે નામ બદલવાને લઈને આ વિરોધ સામે આવ્યો છે.