રાજકારણ / રિવાબાના પ્રચારમાં રવીન્દ્ર જાડેજાની આ તસવીર સામે વિપક્ષને વાંધો, સોશ્યલ મીડિયામાં ઊભો થયો વિવાદ

• ટીમ ઈન્ડિયાની જર્સીમાં પતિ રવિન્દ્ર જાડેજાના ફોટાનો ઉપયોગ 
• નરેશ બાલિયાને કરી રીવાબાની આકરી ટીકા 
• નણંદ એ લગાવ્યો પ્રચારમાં બાળકોનો ઉપયોગ કરવાનો આરોપ 

ગુજરાત વિધાનસભાની ઉત્તર જામનગર બેઠક ગુજરાત ચુંટણીમાં સૌથી વધુ ચર્ચાનો વિષય બની છે. ચર્ચાનો વિષય એટલા માટે બન્યો છે કે ક્રિકેટર રવિન્દ્ર જાડેજાના પત્ની રીવાબા ઉત્તર જામનગરની બેઠક પરથી ચૂંટણી લડી રહ્યા છે જો કે તેમને જનતાનું કેટલું સમર્થન મળશે તે તો આવનારા પરિણામો જ કહેશે પણ ચૂંટણી પ્રચાર દરમિયાન તેમને અનેક પડકારોનો સામનો કરવો પડી રહ્યો છે. એક તરફ તે કોંગ્રેસ પાર્ટીમાંથી એમના નણંદ તેમની સામે ઊભા છે તો બીજી તરફ વિપક્ષ સતત તેને નિશાન બનાવી રહ્યા છે.  

ખ્યાત નામ ક્રિકટર @imjadeja ની વિશેષ ઉપસ્તિથીમા વિશાળ સંખ્યામાં રાજપૂત ભાઈઓ, બેહનો હાજર રહી સમાજના પુત્રવધુ, યુવા અને શિક્ષિત ઉમેદવાર ને ભારતીય જનતા પાર્ટીના કમળના નિશાન ઉપર મતદાન કરી જંગી બહુમતીથી જીતાડવા સંકલ્પ કરેલ.#ભરોસાની_ભાજપ_સરકાર#ભાજપ_સાથે_અગ્રેસર_જામનગર_ઉત્તર pic.twitter.com/lq3soRFbu7

— Rivaba Ravindrasinh Jadeja (@Rivaba4BJP) November 24, 2022

ટીમ ઈન્ડિયાની જર્સીમાં પતિ રવિન્દ્ર જાડેજાના ફોટાનો ઉપયોગ 
આ બધા વચ્ચે એમને ચૂંટણી પ્રચાર પોસ્ટરમાં ભારતીય ટીમની જર્સીમાં ટીમ ઈન્ડિયાના ક્રિકેટર અને પતિ રવિન્દ્ર જાડેજાના ફોટાનો ઉપયોગ કર્યો છે અને આ કારણે વધુ એક વિવાદ સર્જાયો છે. જણાવી દઈએ કે સોશિયલ મીડિયા પર એમની એક પોસ્ટમાં લખ્યું કે 'તમે પણ ભારતના ઓલરાઉન્ડર ક્રિકેટર @imjadejaના રોડ શોમાં સામેલ થઈ શકો છો.' અને તેમની આ પોસ્ટને લઈને રાજકીય ઘમાસાણ શરૂ થઈ ગયું છે. 

ભારતના ઓલ રાઉન્ડર ક્રિકેટર શ્રી @imjadeja નો રોડ શૉ તમે પણ જોડાશૉ.. pic.twitter.com/b2yyD5RUoK

— Rivaba Ravindrasinh Jadeja (@Rivaba4BJP) November 22, 2022

નરેશ બાલિયાને કરી રીવાબાની આકરી ટીકા 
જણાવી દઈએ કે રિવાબાના ચૂંટણી પ્રચારના પોસ્ટર પછી આમ આદમી પાર્ટીના નેતાએ તેમના પર નિશાન સાધ્યું છે અને AAP ધારાસભ્ય નરેશ બાલિયાને તેમની આકરી ટીકા કરી હતી. એમને કહ્યું હતું કે પહેલા ભારતીય ખેલાડીઓ રાજકારણથી દૂર રહેતા હતા પણ હવે તેઓ ખુલ્લેઆમ રાજનીતિ કરી રહ્યા છે. આ ઉપરાંત ભાજપ પર નિશાન સાધતા તેમણે કહ્યું હતું કે ભાજપે આ વિસ્તારને બરબાદ કરવામાં કોઈ કસર બાકી રાખી નથી.

જો કે આ પહેલા રીવાબાએ મીડિયા સાથેની વાતચીતમાં કહ્યું હતું કે એમના પતિ એમના માટે બૂસ્ટર ડોઝ સમાન છે અને એમને હંમેશા રાજનીતિ કારકિર્દીમાં રિવાબાને ટેકો આપ્યો છે. 

ભારત દેશ નુ અને જામનગર શહેર નુ ગૌરવ જેમને આંતરરાષ્ટ્રીય ક્રિકેટ ક્ષેત્રે અનેક સિદ્ધિઓ પ્રાપ્ત કરી દેશ નું અને જામનગર નું ગૌરવ વધારેલ તેવા ઓલ રાઉન્ડર ક્રિકેટર શ્રી @imjadeja નો ભવ્ય રોડ શો વોર્ડ ન. ૪,૧૦,૧૧,૧૨ મા યોજાયો સાથે… 1/1 pic.twitter.com/9ABHXXrcFZ

— Rivaba Ravindrasinh Jadeja (@Rivaba4BJP) November 23, 2022

બહેને લગાવ્યો પ્રચારમાં બાળકોનો ઉપયોગ કરવાનો આરોપ 
ભાજપે ઉત્તર જામનગર બેઠક પરથી રીવાબાને ટિકિટ આપી છે તો કોંગ્રેસે પક્ષના પ્રચાર માટે જાડેજાની બહેન નયનાબને મેદાનમાં ઉતાર્યા છે. જણાવી દઈએ કે ત્યાર થી નણંદ અને ભાભી બંને વચ્ચે આરોપ-પ્રત્યારોપનો દોર ચાલી રહ્યો છે. નયનાબા એ  રિવાબા પર આરોપ લગાવ્યો હતો કે તે ચૂંટણી પ્રચાર માટે બાળકોનો ઉપયોગ કરી રહી છે અને આ બાળ મજૂરીનો એક પ્રકાર છે. ઉપરાંત આ માટે કોંગ્રેસના એક વરિષ્ઠ નેતાએ ચૂંટણી પંચને ફરિયાદ પણ કરી છે.