રણનીતિ / CAA, NRC અને યુનિવર્સિટી હિંસા પર વિપક્ષની બેઠક પહેલા તિરાડ, આ પક્ષો નહીં થાય સામેલ

• CAA , NRC અને યુનિવર્સિટી હિંસા પર થશે ચર્ચા
• રાહુલ ગાંધી પણ બેઠકમાં ઉપસ્થિત રહેશે

કોંગ્રેસના નેતૃત્વમાં મળનારી વિપક્ષની આ મહત્વપૂર્ણ બેઠકમાં રાષ્ટ્રવાદી કોંગ્રેસ પાર્ટી NCP , દ્રવિડા મુનેત્ર કજગમ DMK , ઇન્ડિયન યૂનિયન મુસ્લિમ લીગ, લેફટ, રાષ્ટ્રીય જનતા દળ RJD , સમાજવાદી પાર્ટી SP સહિત અનેક પાર્ટી સામેલ થશે. 

સંસદ ભવનમાં પાર્લામેન્ટ એનેક્સીમાં મળનારી આ બેઠકમાં કોંગ્રેસના પૂર્વ અધ્યક્ષ રાહુલ ગાંધી પણ ઉપસ્થિત રહેશે. આ બેઠકનો મુખ્ય મુદ્દો જવાહરલાલ નેહરૂ યુનિવર્સિટી JNU , જામિયા મિલિયા ઇસ્લામિયા અને અલીગઢ મુસ્લિમ યુનિવર્સિટી MMU માં થયેલી હિંસા રહેશે. આ મામલે કોંગ્રેસને ફેક્ટ ફાઇંડિંગ કમિટી પણ બનાવી હતી. આ કમિટી પોતાનો રિપોર્ટ આજે હાઇકમાન્ડને સોંપશે.

ઉલ્લેખનીય છે કે કોંગ્રેસ કાર્ય સમિતિની બેઠકમાં પાર્ટીના કાર્યકારી અધ્યક્ષ સોનિયા ગાંધીએ CAA  વિરુદ્ધ પ્રદર્શન અને અર્થવ્યવસ્થાની સ્થિતિને લઇને મોદી સરકાર પર આકરા પ્રહા કર્યા હતા.