ભાવનગર જિલ્લા પંચાયતની સામાન્ય સભામાં હોબાળો બજેટ મામલે વિપક્ષે ઉઠાવ્યા સવાલ

ભાવનગર જીલ્લા પંચાયતનું વર્ષ ૨૦૧૭ - ૧૮ નું સુધારેલું બજેટ અને ૨૦૧૮ -૧૯ ના નવા બજેટ ને મંજુર કરવા માટે જીલ્લા પંચાયત ની આજે મળેલ સામાન્ય સભામાં વિપક્ષ ભાજપે ધાંધલ ધમાલ મચાવી હતી આ ઉપરાંત કેટલાક લોકાર્પણ ના કામો કોંગ્રેસ ના નેતા ના હાથે કેમ કરાવ્યા છે તેવા મુદાઓ ને આગળ ધરી ને સામાન્ય સભાનો વિરોધ કરી બહિષ્કાર કર્યો હતો અને ડાયસ ઉપર બજેટ ના કાગળોને ફાડી ને  ઘા કરી પોતાનો રોષ પ્રગટ કર્યો હતો. 

ઉલ્લેખનીય છે કે ભાવનગર જીલ્લા પંચાયતમાં કોંગ્રેસનું શાસન છે ત્યારે કોંગ્રેસની આ સભાએ પોતાનું ત્રીજું અંદાજપત્ર રજુ કર્યું હતું વર્ષ ૨૦૧૮-૧૯ ના બજેટ માં ૨૫૧૪.૦૦ લાખની પુરાંત વાળું બજેટ કોઈ પણ પ્રકાર ના નવા કરવેરા વગરનું રજુ કર્યું હતું. જીલ્લા પંચાયત ના પ્રમુખ સંજયસિંહ સરવૈયા ના અધ્યક્ષ પડે મળેલ આ સભા માં રજુ થયેલ બજેટ માં શિક્ષણ આરોગ્ય તેમજ ખેડૂતો માટે પણ ખાસ યોજનાઓ મુકાઈ છે. 

આમ તો ભાજપ ની સરકાર વિકાસ ની વાતો કરે છે પરંતુ ભાવનગર જીલ્લા પંચાયત માં કોંગ્રેસ નું શાસન હોય અહી થયેલ વિકાસ ના કામોમાં સ્થાનિક ભાજપે વિરોધ કરતા ભાજપ ની બે મોઢા ની વાતો ખુલ્લી પડી ગઈ છે.