અધ્યાદેશ / કૃષિ વટહુકમનો વિરોધ, આ પાર્ટીએ આપી આંદોલનની ધમકી, કહ્યું ''ખેડૂતોને બેરોજગાર થવા ન દેવાય"

• કૃષિ ક્ષેત્રે મોદી સરકાર નવો વટહુકમ લાવવાની તૈયારીમાં 
• આમ આદમી પાર્ટીના સાંસદોએ કહ્યું, વિરોધમાં કાઢીશું ટ્રેક્ટર માર્ચ 
• ખેતી ક્ષેત્રને ખાનગીકરણ તરફ લઈ જવાનું આ સરકારી પગલું: આપ 

આમ આદમી પાર્ટીએ કહ્યું છે કે તેના સંસદસભ્ય આવતીકાલે સંસદમાં આ વટહુકમની વિરુદ્ધ મતદાન કરશે. પાર્ટીના સાંસદ ભગવંત માને કહ્યું કે આ બિલ કૃષિ ઉદ્યોગના ખાનગીકરણ તરફનું એક પગલું છે. આ MSP ને ખતમ કરશે અને આ બિલ રજૂ થયા પછી, ખાનગી ખેલાડીઓને ખુલ્લી છૂટ મળશે. આપના નેતા જર્નાઈલસિંહે એમ પણ કહ્યું હતું કે, પાર્ટીના સાંસદો લોકસભા અને રાજ્યસભા બંને ગૃહોમાં આ બિલનો વિરોધ કરશે.

આપ પાર્ટી સરકારના અધ્યાદેશનો વિરોધ કરશે

મંગળવારે પાર્ટીના મુખ્યાલયમાં આયોજિત પત્રકાર પરિષદને સંબોધતા, આમ આદમી પાર્ટીના નેતા જર્નાઇલસિંહે સંસદમાં રજૂ કરાયેલા કૃષિ વટહુકમ પર બોલતા કહ્યું કે દેશમાં ખેડુતો માટે જય જવાન અને જય કિસાનના નારા લગાવાય છે, ત્યારે દુર્દશાના આ તબક્કામાં વધુ એક પગલું ભરીને, કેન્દ્ર સરકારે ગઇકાલે જે બિલ પ્રસ્તુત કર્યું તેનાથી ખેડૂતો વધુ બેહાલ થશે. 

અકાલી દળ અને કોંગ્રેસ પર 'આપ' નો આરોપ

આમ આદમી પાર્ટીના સાંસદ ભગવંત માનએ કહ્યું કે, 'કેબિનેટ પદને બચાવવા માટે શિરોમણિ અકાલી દળે પંજાબમાં ખેડૂતોના હક વેચ્યા છે. જો તેઓ ખરેખર ખેડૂતોના હકનું સમર્થન કરવા માંગતા હોય, તો તેઓએ આ બિલની વિરુદ્ધ મત આપવો જોઈએ.

ટ્રેક્ટર કૂચનો પ્રારંભ કરવામાં આવશે - ભગવંત માન

ભગવંત માન ચેતવણી આપી, 'કેન્દ્રીય મંત્રી હરસિમરત કૌરના ઘરની બહાર અમે ટ્રેક્ટર કૂચ લઈશું. અમે ટ્રેક્ટર એકત્રિત કરીશું અને તેમના ઘરની બહાર એકત્રિત કરીશું. આ બિલને કારણે, ટ્રાન્સપોર્ટરો, પુલદાર, મજૂરો અને ટ્રેક્ટર ઉદ્યોગ સાથે સંકળાયેલા તમામ લોકો બેરોજગાર બનશે. MSP સમાપ્ત થશે, ખેડુતોને તેમની જમીન ભાડે આપવા માટે કહેવામાં આવશે, ખેડૂતો પોતાના ખેતરમાં જ મજૂર બનશે, એક નવી કરાર સિસ્ટમ શરૂ થશે જેનાથી ખેડૂતોની દુર્દશા થશે. 

આમ આદમી પાર્ટીના નેતાઓએ પણ કોંગ્રેસ પર નિશાન સાધતા કહ્યું હતું કે ગઈકાલે મોટો ખુલાસો થયો છે. જ્યારે આ બિલ લાવવાની વાત ચાલી રહી હતી, ત્યારે પંજાબના મુખ્ય પ્રધાન પણ આ ટીમનો એક ભાગ હતા. તેમણે સંમતિ આપી કે આ બિલ આવવું જોઈએ. મતલબ કે કોંગ્રેસ પણ આમાં સામેલ છે. આપ નેતાઓએ કહ્યું કે કોંગ્રેસે સ્પષ્ટ કરવું જોઈએ કે તે કઈ બાજુ છે. એકબાજુ કોંગ્રેસ આનો વિરોધ કરી રહી છે જ્યારે એક બાજુ સપોર્ટ. તેમણે તેમનો સ્ટેન્ડ ક્લિયર કરવું જોઈએ.