આ વર્ષે ભારતમાં ઘણા સારા સ્માર્ટફોન લોન્ચ થશે જેમાં Samsung Galaxy S10 Xiaomi Redmi Note7 Nokia 9 Pureના સિવાય પણ ઘણા ફોન શામેલ છે ત્યારે ચીનની સ્માર્ટફોન કંપની Oppoએ પોતાનો નવો સ્માર્ટફોન ભારતીય બજારમાં લોન્ચ કરવાની તૈયારીમાં છે. Oppoના આ સ્માર્ટફોન F9 Proના સક્સેસર પર હશે અને કંપની તેણે F11 Proના નામથી લોન્ચ કરશે. તાજેતરમાં 91મોબાઇલ્સે Opopના આ ફોનો રિપોર્ટ લિક કર્યુ હતુ જેમાં ફોનમાં આવનારા ફિચર્સ અને સ્પેસિફિકેશન્સનો ઉલ્લેખ કરવામાં આવ્યો હતો.
રિપોર્ટની વાત માનવામાં આવે તો Oppo F11 Proમાં 1080x2340 પિક્સલ રિઝોલ્યૂશનની સાથે 6.5 ઇંચ LCD ડિસ્પ્લે સાથે આપવામાં આવશે. ફોનની બેકમાં ડ્યૂઅલ કેમેરા સેટઅપ અને એક ફિંગરપ્રિન્ટ સેન્સર આપવામાં આવ્યુ છે. ફોનના બેકમાં ગ્લાસ ફિનિશની સાથે ગ્રેડિયન્ટ કલર ડિઝાઇનમાં આવશે.
ફોનની સૌથી મોટી ખાસિયત છે તેમાં આવનારો પૉપ-અપ સેલ્ફી કેમેરા. Oppo F11 Proના આ પૉપ-કેમેરાને Vivo V15 Pro અને Vivo Nexની જેમ જ આપવામાં આવશે. પૉપ-અપ સેલ્ફી કેમેરા આ ફોનને પ્રીમિયમ લૂક આપી રહ્યો છે.
રિપોર્ટ દાવો કરવામાં આવ્યો છે કે Oppo F11 Pro રિયર કેમેરા સેટઅપની સાથે આવશે જેમાં 48 મેગાપિક્સલનો પ્રાઇમરી સેન્સર કેમેરા આપવામાં આવ્યો છે જ્યારે સેકન્ડરી કેમેરા 12 મેગાપિક્સલનો રહેશે જે ઓછી લાઇટમાં પણ સારા ફોટો ક્લિક કરશે. સેલ્ફી માટે Oppoએ આ નવા સ્માર્ટફોનમાં 32 મેગાપિક્સલનો ફ્રન્ટ સેન્સર આપ્યુ છે.
ફોનમાં 6GB RAM અને 128GB ઇન્ટરનલ સ્ટોરેજની સાથે આવે છે. પ્રોસેસરની વાત કરવામાં આવે તો આ ફોનમાં હાઇ-એન્ડ મીડિયા ટેક ચિપસેટ આપવામાં આવ્યુ છે. Oppoએ ગત વર્ષે નવેમ્બરમાં નવા OS ColorOS 6ને લોન્ચ કર્યુ હતુ અને આશા હતી કે Oppo F11 Pro આ જ OS પર કામ કરશે. કિંમત અને ઉપલબ્ધતાની વાત કરવામાં આવે તો ફોન માર્ચના પહેલા અઠવાડિયામાં ભારતમાં લોન્ચ થશે અને જેની કિંમત 25000 રૂપિયાની આસપાસ હોઇ શકે છે.