ઓપિનિયન પોલમાં પશ્ચિમ બંગાળમાં ફરી એક વાર મમતા બેનરજીની સરકાર બનતી દેખાઈ રહી છે.
બંગાળમાં ટીએમસી 148 થી 164 બેઠકો મળવાની ધારણા
ભાજપના ખાતામાં 100 કરતા વધારે બેઠકો આવી શકે
ડાબેરી અને કોંગ્રેસનું પ્રદર્શન પણ નિરાશાજનક રહેવાની સંભાવના
એબીપી ન્યૂઝ સી વોટરના ઓપિનિયન પોલ અનુસાર, પશ્ચિમ બંગાળમાં ટીએમસી 148 થી 164 બેઠકોની સાથે સરકાર બનાવી શકે છે. તો ભાજપના ખાતામાં 100 કરતા વધારે બેઠકો આવી શકે છે. જો ડાબેરી અને કોંગ્રેસનું પ્રદર્શન પણ નિરાશાજનક રહેવાની સંભાવના છે.
ગ્રેટર કોલકતામાં પણ ટીએમસીનો જાદુ
ગ્રેટર કોલકાતામાં ટીએમસીનો જાદુ જોવા મળી શકે છે. અહીંની કુલ 35 બેઠકોમાંથી ટીએમસીને 26 થી 30 બેઠકો મળી શકે છે. ભાજપને 2 થી 6 અને કોંગ્રેસ-લેફ્ટ ગઠબંધનને 2 થી 4 બેઠકો મળી શકે છે.
દક્ષિણ પશ્ચિમ બંગાળમાં પણ મમતા આગળ
119 બેઠકો ધરાવતા દક્ષિણ પશ્ચિમ બંગાળ વિસ્તારની વાત કરીએ તો અહીં ટીએમસીને 65 થી 69, ભાજપને 45 થી 49, કોંગ્રેસ અને ડાબેરીને 4-4 બેઠકો મળવાની સંભાવના છે.
મુખ્યપ્રધાન માટે મમતા લોકોની પહેલી પસંદગી
પશ્ચિમ બંગાળમાં કોને મુખ્યપ્રધાન તરીકે જોવા માગો છો તે સવાલના જવાબ આપતા સરવેમાં સામેલ 56 ટકા લોકોએ મમતા બેનરજી પર પસંદગીનો કળશ ઢોળ્યો હતો. 25 ટકા લોકો ભાજપ નેતા દિલિપ ઘોષને 9 ટકા લોકો મુકુલ રોયને મુખ્યમંત્રી તરીકે જોવા માગે છે જ્યારે 2 ટકા લોકોએ સુવેન્દુની પોતાની પસંદગી ગણાવી.
48 ટકા લોકો મમતાના કામકાજથી સંતુષ્ટ
સરવેમાં સામેલ 48 ટકા લોકોએ મમતા સરકારના કામકાજને સારુ અને 34 ટકા લોકોએ મમતા સરકારના કામકાજને ખરાબ ગણાવ્યું તો 18 ટકા લોકોએ મમતાના કામકાજને સરેરાશ ગણાવ્યું. 54 ટકા લોકોએ મમતાના કાર્યકાળને સારો 30 ટકા લોકોએ ખરાબ અને 16 ટકા લોકોએ સરેરાશ ગણાવ્યો.