નેશનલ / PM મોદી 'ઓપરેશન સિંદૂર' પછી પહેલીવાર આદમપુર એરબેઝ પર પહોંચ્યા, જવાનો સાથે કરી મુલાકાત

PM Modi Adampur Air Base : આજે વહેલી સવારે PM મોદી આદમપુર એર બેઝ પહોંચ્યા હતા. આ દરમિયાન. PM મોદીને વાયુસેનાના કર્મચારીઓ દ્વારા માહિતી આપવામાં આવી અને તેમણે બહાદુર જવાનો સાથે વાતચીત પણ કરી હતી. આ સાથે PM મોદીએ જવાનો સાથે સેલ્ફી પણ લીધી હતી. પહેલગામ હુમલા પછી સેનાએ ઓપરેશન સિંદૂર દ્વારા પાકિસ્તાનમાં આતંકવાદી છાવણીઓ પર હુમલો કરીને તેનો નાશ કર્યો હતો.

ઓપરેશન સિંદૂરની સફળતા પછી વડા પ્રધાન નરેન્દ્ર મોદીએ એક મોટું પગલું ભર્યું છે. તે આદમપુર એર બેઝ પર પહોંચ્યો અને બહાદુર સૈનિકોને મળ્યા હતા.

વધુ વાંચો : યુદ્ધવિરામના બે દિવસ બાદ ભારતીય સેનાની મોટી કાર્યવાહી, એન્કાઉન્ટરમાં આતંકી ઠાર

પ્રધાનમંત્રી નરેન્દ્ર મોદી આજે સવારે પંજાબના આદમપુર એરબેઝ પહોંચ્યા. અહીં તેઓ વાયુસેનાના કર્મચારીઓને મળ્યા. PM મોદી આજે સવારે 7 વાગ્યે દિલ્હીના પાલમ એરપોર્ટથી ઉડાન ભરીને પંજાબના જલંધરમાં આદમપુર એરબેઝ પહોંચ્યા. PM મોદી અહીં 1 કલાક રોકાયા અને વાયુસેનાના જવાનોઓને મળ્યા. તસવીરોમાં પ્રધાનમંત્રી મોદી વાયુસેનાના કર્મચારીઓ સાથે જોવા મળે છે.

અહીં PM મોદી સૈનિકો સાથે હસતા જોવા મળે છે. નોંધનીય કે, પાકિસ્તાને ભારત વિરુદ્ધ ખોટો પ્રચાર ફેલાવતા કહ્યું હતું કે, તેમણે પોતાના હુમલામાં ભારતના આદમપુર એરબેઝને ઉડાવી દીધો હતો. પરંતુ વડાપ્રધાનનું વિમાન આદમપુર એરબેઝ પર ઉતર્યા પછી તે સાબિત થયું કે પાકિસ્તાનનો આ દાવો સંપૂર્ણપણે ખોટો હતો. કારણ કે ભારતના સૌથી VVIP નું વિમાન આ એરબેઝ પર સફળતાપૂર્વક ઉતર્યું હતું.

નોંધનીય છે કે, સોમવારે ઓપરેશન સિંદૂર પછી વડા પ્રધાન નરેન્દ્ર મોદીએ રાષ્ટ્રને સંબોધન કર્યું. આ સમયગાળા દરમિયાન, તેમણે આતંકવાદના મુદ્દા પર પાકિસ્તાન પર જોરદાર પ્રહારો કર્યા. પ્રધાનમંત્રીએ કહ્યું કે પાકિસ્તાન સરહદ પર હુમલો કરવા માટે તૈયાર હતું, પરંતુ ભારતે પાકિસ્તાનની છાતી પર હુમલો કર્યો. તેમણે કહ્યું કે, જ્યારે ભારતની મિસાઇલોએ પાકિસ્તાનમાં આતંકવાદી ઠેકાણાઓ પર હુમલો કર્યો, જ્યારે ભારતના ડ્રોન દ્વારા હુમલો કરવામાં આવ્યો, ત્યારે આતંકવાદી સંગઠનોની ઇમારતો જ નહીં પરંતુ તેમનું મનોબળ પણ ડગમગી ગયું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ