વિશ્વ / VIDEO : શાહિદ આફ્રિદીની નાપાક હરકત, વીડિયો જોઈને તમારું પણ લોહી ઉકળી ઉઠશે

ભૂતપૂર્વ પાકિસ્તાની ક્રિકેટર શાહિદ આફ્રિદીનો એક વીડિયો હાલ સોશિયલ મીડિયામાં વાયરલ થઈ રહ્યો છે. વિગતો મુજબ ભૂતપૂર્વ પાકિસ્તાની ક્રિકેટર શાહિદ આફ્રિદીએ સોમવારે કરાચીમાં આયોજિત "વિજય રેલી"માં ભાગ લીધો હતો. આ કાર્યક્રમમાં તેમની હાજરીનો એક વીડિયો સોશિયલ મીડિયા પર વાયરલ થયો છે. હકીકતમાં પાકિસ્તાનના વડા પ્રધાન શાહબાઝ શરીફ જે હંમેશા પોતાના જુઠ્ઠાણા માટે વિશ્વભરમાં ખુલ્લા રહે છે તેમણે વધુ એક ખોટો દાવો કર્યો છે. તેમણે કહ્યું કે, પાકિસ્તાને ભારત સામે યુદ્ધ જીતી લીધું છે. તેમણે એમ પણ કહ્યું કે, પાકિસ્તાને યુદ્ધવિરામની વિનંતી કરી નથી. આ પછી પાકિસ્તાને "વિજય રેલી"નું આયોજન કર્યું.

શાહિદ આફ્રિદી અગાઉ ભારત સરકાર અને સશસ્ત્ર દળો વિરુદ્ધ તેમની વિવાદાસ્પદ ટિપ્પણીઓને કારણે હેડલાઇન્સમાં રહી ચૂક્યા છે, ખાસ કરીને પહેલગામ આતંકવાદી હુમલા સમયે તેમણે ભારતીય સેના પર વિવાદાસ્પદ નિવેદન આપ્યું હતું. તેમણે પહેલગામ આતંકવાદી હુમલા માટે ભારતીય સેનાને જવાબદાર ઠેરવી હતી. આ હુમલામાં 26 નિર્દોષ લોકો માર્યા ગયા. આ પછી ભારતીય સેનાએ ઓપરેશન સિંદૂર દ્વારા પાકિસ્તાનમાં આતંકવાદી ઠેકાણાઓ પર મોટો હવાઈ હુમલો કર્યો. એક પછી એક 9 હવાઈ હુમલામાં આતંકવાદીઓ માર્યા ગયા.

વધુ વાંચો : હવે સરળતાથી નહીં મળે બ્રિટિશ નાગરિક્તા, PM સ્ટાર્મરે નવી નીતિ કરી જાહેર, જાણો

ઓપરેશન સિંદૂર દ્વારા ભારતીય સેનાએ પાકિસ્તાનને પાઠ ભણાવ્યો પરંતુ પાકિસ્તાન હજુ પણ તેની હાર પચાવી શક્યું નહીં. શાહિદ આફ્રિદીએ એક પછી એક ભારત વિરુદ્ધ ઝેર ઓકવાનું શરૂ કર્યું. રવિવારે પાકિસ્તાની સેનાની પ્રશંસા કરતા તેમણે કહ્યું કે તે, ભારતીય આક્રમણનો નિર્ણાયક જવાબ હતો. તેમણે કહ્યું કે, નવી દિલ્હીએ ઇસ્લામાબાદને ઓછું આંક્યું છે. કરાચીના સી વ્યૂ ખાતે આયોજિત "યૌમ-એ-તશકુર" (કૃતજ્ઞતા દિવસ) રેલીમાં બોલતા આફ્રિદીએ કહ્યું કે, ભારતીય વડા પ્રધાન નરેન્દ્ર મોદીના "યુદ્ધના જુસ્સા" એ ભારતને મુશ્કેલીમાં ધકેલી દીધું છે. આફ્રિદીએ કહ્યું કે, PM મોદીને હવે ખ્યાલ આવી ગયો છે કે, પાકિસ્તાનનો સામનો કરવો કેટલો મોંઘો પડે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ