Coronavirus / દિલ્હીમાં કોરોના વિરુદ્ધ 5T બાદ CM કેજરિવાલનું 'ઑપરેશન SHIELD', જાણો શું કહ્યું

• CM અરવિંદ કેજરીવાલે કહ્યું, ઉપાય કઠિન છે પરંતુ બચાવ માટે જરૂરી 
• આ પહેલા કેજરીવાલ સરકારે '5T પ્લાન' શરૂ કર્યો છે

આ ઑપરેશન હેઠળ સીલિંગ, હોમ ક્વૉરન્ટાઇન, આઇસોલેશન, જરૂરી સેવાઓ, સેનેટાઇઝેશન અને ડોર ટૂ ડોર સર્વે પર જોર આપવામાં આવશે. આ અંગેની જાણકારી મુખ્યમંત્રી અરવિંદ કેજરીવાલ આપી છે. આ પહેલા કોરોનાને રોકવા માટે કેજરીવાલ સરકારે '5T' પ્લાન બનાવ્યો હતો. 

શું છે ઑપરેશન શીલ્ડ (Operation SHIELD)?

• S - સીલિંગ ઓફ એરિયા
• H - હોમ ક્વૉરન્ટાઇન
• I - આઇસોલેશન ઓફ ઇન્ફેક્ટેડ પેસન્ટ
• E - જરૂરી સેવાઓ
• L - લોકલ સેનેટાઇઝેશન
• D - ડોર ટૂ ડોર ચેકિંગ

તેને તાત્કાલિક 21 હોટસ્પોટ એરિયામાં શરૂ કરાઇ રહ્યું છે. દિલ્હીના મુખ્યમંત્રી કેજરીવાલે લોકોને અપીલ કરી છે કે ઑપરેશન શીલ્ડમાં સહયોગ કરે. તેઓએ કહ્યું કે આ કઠિન ઉપાય છે પરંતુ લોકોને કોરોના વાયરસના કહેરથી બચાવવા માટે જરૂરી છે.

I appeal to all living in the containment areas to cooperate with the Delhi govt's Operation SHIELD. These are strict measures but are necessary to protect you and others from COVID-19. https://t.co/3N2UauewWe

— Arvind Kejriwal (@ArvindKejriwal) April 9, 2020

મુખ્યમંત્રી કેજરીવાલે કહ્યું કે 71 લાખ લોકોને અમે ફ્રી રાશન આપી રહ્યા છીએ. જેમની પાસે રાશન કાર્ડ નહોતું, તેમને પણ અમે રાશન આપી રહ્યા છીએ. મુખ્યમંત્રીએ કહ્યું કે જો તમામ લોકો માસ્ક પહેરવાનું શરૂ કરી દે તો કોરોનાના સંભવિત ખતરાને ઓછુ કરી શકાય તેમ છે. દિલ્હીમાં કાલથી તમામ માટે માસ્ક પહેરવું ફરજિયાત કરી દેવાયું છે. 

દિલ્હીની આ જગ્યાઓ સીલ કરાઇ

કોરોના વાયરસ સામેની લડાઇમાં આખી દિલ્હીમાંથી 21 જગ્યાઓને સીલ કરાઇ છે. તેમાથી મંડાવલી ગલી નંબર એક, પાંડવ નગર એચ બ્લોક ગલી નંબર એક, ખિચડીપુરની ત્રણ ગલીઓ. કિશન કુંજ એક્સટેન્શનની ગલી નંબર ચાર, આઇપી એક્સટેન્શનના બે એપાર્ટમેન્ટ વર્ધમાન અને મયૂરધ્વજ, વસુંધરા એક્લેવના મનસારા એપાર્ટમેન્ટનું નામ સામેલ છે. 

નોંધનીય છે કે આ પહેલા દિલ્હીના મુખ્યમંત્રી અરવિંદ કેજરીવાલે સરકારે '5T પ્લાન' બનાવ્યો હતો. કોરોના સામેની લડાઇમાં આ પ્લાન પર કામ શરૂ થઇ ચૂક્યું છે. દિલ્હીમાં ગુરુવાર સુધીમાં કુલ 669 કોરોના વાયરસના કેસ નોંધાયા છે. જ્યારે 9 લોકોના મોત થયા છે અને 21 લોકો રિકવર થયા છે.