સંવેદનશીલ પોરબંદર અને જુનાગઢના દરિયાકાંઠા પર પોલીસ જવાનો, કોસ્ટગાર્ડ અને નેવી સહિતની ગુજરાતના વિશાળ સમુદ્રકાંઠાનો આતંકવાદી ફરી ઉપયોગ ન કરે તે માટે સુરક્ષા એજન્સીઓ સતર્ક બની ગઈ છે. દરેક પરિસ્થિતીને પહોંચી વળવા સુરક્ષા એજન્સી સક્ષમ છે, તે બાબતે સમયાંતરે ઓપરેશન સાગર સુરક્ષા કવચ હાથ ધરાતું હોય છે. ત્યારે ગુજરાતના દરિયામાં ઓપરેશન સાગર સુરક્ષા કવચનો પ્રારંભ થયો છે. જેમાં પોરબંદરમાં તપાસ દરમિયાન RDXનો જથ્થો મળ્યો હતો.
દરિયાકિનારે હાથ ધરાયુ ઓપરેશન સાગર સુરક્ષા કવચ
પોરબંદરમાં પેટ્રોલિંગ સમયે RDXનો જથ્થો મળ્યો
એક બોટ સાથે આરોપી ઝડપાયો
સંવેદનશીલ ગુજરાતના દરિયા કિનારોનો આંતકવાદીઓ અવાર-નવાર ઉપયોગ કરતા હોય છે. રાષ્ટ્રવિરોધીઓ દરિયાનો ઉપયોગ કરતા હોય છે. તેથી તેમને કઈ રીતે મ્હાત કરી શકાય તે માટે પોલીસ, કોસ્ટગાર્ડ સહિતની સુરક્ષા એજન્સીઓ દ્વારા સમયાંતરે ઓપરેશન સાગર સુરક્ષા કવચ હાથ ધરવામાં આવે છે. જે હેઠળ પોરબંદર સહીત રાજ્યભરમાં આજથી ઓપરેશન સાગર સુરક્ષા કવચનો પ્રારંભ થયો છે. પોલીસ, કોસ્ટગાર્ડ અને નેવી સહિતની સુરક્ષા એજન્સી આ ઓપરેશનમાં જોડાઈ છે. સુરક્ષાને લઈ કામગીરી કરવામાં આવી રહી છે.
પોરબંદર પોલીસ દ્વારા આજે સવારથી દરીયામાં બોટનુ ચેકીંગ હાથ ધરવામાં આવ્યુ હતું. તેમજ જીલ્લાની તમામ ચેકપોસ્ટ ઉપર વાહનોનુ પણ ચેકીંગ કરવામાં આવ્યુ હતું. નાપાક તત્વો એરપોર્ટ, પોર્ટ અને બંદર સહીતના વિસ્તારોમાં ઘુસે તો તેને કઈ રીતે ઝડપી લેવા તે અંગેની કવાયત આ ઓપરેશન સાગર સુરક્ષા કવચ દરમિયાન કરવામાં આવે છે. તેવામાં આ ઓપરેશન દરમિયાન દરિયામાં પેટ્રોલિંગ કરી રહેલ બોટ દ્વારા RDXનો જથ્થો લઈ પોરબંદર આવી રહેલી એક બોટ સાથે એક આરોપીને ઝડપી પડ્યો હતો.
આ ઉપરાંત અલગ-અલગ મોકડ્રીલ યોજી અને સુરક્ષા એજન્સીની ક્ષમતાને પરખવામાં આવે. ઓપરેશન સાગર સુરક્ષા કવચને લઈ પોરબંદરના અકસ્માતી ઘાટ નજીક પણ પોલીસ જવાનો તૈનાત કરી દેવામાં આવ્યા હતા. બે દિવસ સુધી ઓપરેશન સાગર સુરક્ષા કવચ ચાલશે. સુરક્ષા એજન્સીઓ કઈ રીતે તાલમેલથી કામગીરી કરી શકે તેની નિર્દશન કરવામાં આવશે.