VTVGujratai.comએ કરેલાં ‘ગુજરાત બચાવો’ ઑપરેશનમાં મળેલી માહિતી સાંભળી ઉંઘતી રૂપાણી સરકાર અને ગુજરાતના વાલીઓએ સફાળા જાગી જવાની જરૂર છે. રાજ્યમાં દર વર્ષે અંદાજે 50 હજાર કિલોથી વધુનો ડ્રગ્સનો વેપલો થાય છે. શું તમે જાણો છો કે તમારા સંતાનો જે ડ્રગ્સ લઈ રહ્યા છે તેની એક ચપટીનો ભાવ 6 હજાર રૂપિયા છે.
સરકાર ચિંતા કરે કે નહીં પણ આંકડાઓથી આપણે ચિંતા કરવાની જરૂર છે
હેરોઈન ડ્રગ્સનો 5 ગ્રામનો ભાવ 31,250 રૂપિયા છે
પ્રતિબંધિત હોવા છતાંય આ કેફી દ્વવ્યો ગુજરાતમાં આવે છે કેવી રીતે?
ગુજરાત ATS દર વર્ષે હજારો કિલો ડ્રગ્સ પકડી રહ્યું છે. જેમાં એન કેન પ્રકારે અંદાજે 10 હજાર કિલો ડ્રગ્સ તો પકડી પાડે છે પણ બચેલું અબજોનું ડ્રગ્સ ગુજરાતના યુવાધનના શરીરમાં જઈ રહ્યું છે. અવાર નવાર સમાચારોમાં સાંભળી રહ્યા હશો કે કચ્છ દરિયા કાંઠે કાંતો પોરબંદરના દરિયાકાંઠે ડ્રગ્સ પકડાયું આ બધું જ કરોડોનું ડ્રગ્સ ગુજરાતના યુવાધનને ખતમ કરવા આવી રહ્યું છે.
માફિયાઓને સરકારના નાક નીચે ધંધો કરવાની છૂટ કે પછી પોલીસ મિલીભગત
સરકારી કાયદોએ કાગળ પર વાઘ બની ને બેઠા છે પણ માફિયાઓના વિકાસ માટે સરકાર કટિબદ્ધ હોય તેમ ગુજરાતમાં ડ્રગ્સ વેપલો ચાલે છે. હજારો કિલો ડ્રગ્સ પકડાય છે ને પાછું ક્યાં જતું રહે છે તે રામ જ જાણે. 2019માં 102થી વધુ કિલો હેરોઈન અને કોકેઈન ઝડપાયું હતું આ અમે નથી કહેતા આ ATSના સરકારી આંકડા કહે છે.
આંકડામાં કહુ તો ગુજરાતમાં હજારો કિલો કેફી દ્રવ્યોનો જથ્થો પકડાય છે પણ હરામ જો કોઈના પેટનું પાણી હલતું હોય તો. આ નશો પાછલા બારણેં ગુજરાતની આવનારી પેઢીને નક્કામી કરી રહ્યો છે. જો કોઈ આપણું દુશ્મન હોય તો તે આતંકવાદ પછી સૌથી પહેલા આ નશો છે.
VTVGujarati.comની ટીમે ડ્રગ્સના ગોરખધંધા વિશે માહિતી લેવા માટે અમદાવાદની હર એક ખૂંફિયા અને અંધારી ગલીમાં ફરીને ચોંકાવનારા સ્ટિંગ ઓપરેશન કર્યા જેમાં આંખો ફાડી નાંખે તેવી વિગતો સામે આવી છે. સૌથી ચોંકાવનારી માહિતી મળી અમદાવાદના શાહપુરમાં જ્યાં ડ્રગ્સમાં સૌથી ખતરનાક ગણાતું એવું MDMA ડ્રગ ચણા-મમરાંની જેમ માંગો ત્યારે ખુલ્લેઆમ મળી જાય છે. અમને બાતમી તો મળી હતી પરંતુ જ્યારે અમે આ મેળવવાનો પ્રયાસ કર્યો તો અમને ખૂબ જ સરળતાથી અને ખુલ્લેઆમ મળી ગયો હતો. આ માફિયાઓની હિંમત તો જુઓ કે માત્ર વેચવા સુધી નહીં પરંતુ કેવી રીતે આ નશો કરી શકો તે પણ શીખવાડે છે જેથી તેમનો ગ્રાહક સચવાઈ રહે. જુઓ આ ચોંકાવનારો વીડિયો
ટ્રાફિક દંડમાં ઉતાવળી થતી પોલીસ ડ્રગ્સ માફિયાઓને કેમ છાવરે છે
ટ્રાફિક દંડ લેવા થનગની અને ઉતાવળી થતી પોલીસ ડ્રગ્સ માફિયઓને કેમ છાવરે છે તે પ્રશ્નાર્થ છે. સાવ સામાન્ય ગુનાના આરોપીને પણ પોલીસ પોતાની ચપળતા દાખવીને ઝડપી પાડતી હોય છે તો હજારો લાખો કિલો અને અબજો રૂપિયાનું આ નેટવર્ક તેમનાથી કેવી રીતે અજાણ્યું રહેતું હશે.
શાહપુર બાદ અમદાવાદમાં અમે અન્ય જગ્યાઓની તપાસ કરતા જોયું તો લગભગ આખા અમદાવાદમાં માંગો ત્યાં તમને જોઈએ એ કેફી પદાર્થ મળ્યાં હતાં. ત્યારે અમારા કેમેરામાં સેટેલાઈટ, આંબાવાડી, સિંધુ ભવન રોડ, ઘાટલોડિયા, રાણીપ, શાસ્ત્રીનગર, રામદેવનગર, ગુલબાઈ ટેકરા, RTO સહિત જેવાં પૉશ વિસ્તારોમાં અફીણ, ગાંજો, બ્રાઉન સુગર, દારુ અને હૅરોઈન જેવા પદાર્થો ખુલ્લેઆમ પોલીસની મીઠી નજર નીચે વેચાય છે. જુઓ આ વીડિયો...
ATSના આંકડાની માયાજાળ
ATSના આંકડા જોઈએ તો મગજ ચકરાવે ચઢી જાય. વર્ષ 2018 અને 2019માં પકડાયેલા ગાંજો, ચરસ, અફીણ, હેરોઈન, કોકેઈન, સિન્થેટીક ડ્રગ્સ, પોષ ડોડા વગેરેને આંકડા જોઈને તમે જ નક્કી કરો કે કેટલું ડ્રગ્સ ગુજરાતમાં ઠલવાતું હશે અને કેટલું યુવાનોના પેટમાં.
આ કેફી દ્વવ્યના જથ્થાની વાત થઈ પણ તમને એના ભાવ જાણીને ઓર આશ્ચર્ય થશે કારણ કે આવડી અમથી વસ્તુનો ભાવ ઘી, દૂધને કેસરના ભાવો ભાવ છે. તો પણ એ ધૂમ વેચાય છે.
ડ્રગ્સનું નામ
વજન
ભાવ (રૂપિયામાં)
હેરોઈન
5 ગ્રામ
31,250
ચરસ
5 ગ્રામ
2000
MD
1 ગ્રામ
3500
એસિડ પેપર
-
1500થી 2000
અફિણ
30 ગ્રામ
1000
બ્રાઉનસુગર
એક પડીકી
100
ગાંજો
એક પડીકી
50થી 100
આ આંકડા તો સરકારી આંકડા છે, આ એ સત્ય છે જે પકડાયું છે. તાજેતરમાં જ ગુજરાતમાં પોરબંદર અને કચ્છમાંથી 3થી 4 હજારની કિંમતનું હેરોઈન ઝડપાયું હતુ જે તમને આ વેપલાના અબજોના વેપારનો સામાન્ય ચીતાર આપવા માટે પૂરતું છે. દરિયાકાંઠાના પોરબંદર અને જામનગર બંદરમાં માછીમારીની આડમાં પાકિસ્તાનથી ડ્રગ્સનો વેપલો હવે અજાણ્યો નથી. ત્યારે સરકાર શું કરી રહી છે તે પ્રશ્ન ખરેખર મુંઝવી નાંખે છે.
ડ્રગ્સના નર્કમાંથી બહાર નીકળી સામાન્ય જિંદગી તરફ પરત ફરી રહ્યો છે આ યુવાન
ખાસ કરીને કોલેજના યુવાનોને સામાન્ય વ્યસનની ટેવ પાડીને ધીમે-ધીમે ડ્રગ્સ સુધી લઇ જવાનું એક મોટું નેટવર્ક રાજ્યમાં મોટા પાયે ધમધમી રહ્યું છે ત્યારે અમે આપને આજે એક યુવાન વિશે જણાવવા જઇ રહ્યા છીએ જે નશાના રવાડે ચડ્યા બાદ આજે રિહેબ સેન્ટર હેઠળ સારવાર લઇ રહ્યો છે. આ યુવકના હાલ જોઇને તેના માવતર રડી પડતા તો આજુબાજુમાં રહેતા લોકો તેને જોઇને દરવાજા પણ બંધ કરી દેતા હતા. આ યુવક ધીમે-ધીમે સામાન્ય જિંદગીમાં પરત ફરી રહ્યો છે ત્યારે તેના વિશે જાણીને ભલભલાને આંખમાં ઝળઝરળીયા આવી જાય તેમ છે.