રશિયા અને યુક્રેન યુદ્ધ વચ્ચે કોંગ્રેસ નેતા રાહુલ ગાંધીએ ભારતીય વિદ્યાર્થીઓના રેસ્ક્યૂને લઈને ફરી એક વાર કેન્દ્ર સરકારને અપીલ કરી છે.
રશિયા યુક્રેન જંગનો આજે પાંચમો દિવસ
ભારતીય નાગરિકો માટે ઓપરેશન ગંગા ચાલું
રાહુલ ગાંધીએ વીડિયો શેર કર્યો
રશિયા અને યુક્રેન યુદ્ધ વચ્ચે કોંગ્રેસ નેતા રાહુલ ગાંધીએ ભારતીય વિદ્યાર્થીઓના રેસ્ક્યૂને લઈને ફરી એક વાર કેન્દ્ર સરકારને અપીલ કરી છે. કોંગ્રેસ નેતા રાહુલ ગાંધીએ એક વીડિયો પણ ટ્વિટ કર્યો છે. જેમાં વિદ્યાર્થીઓ સાથે હિંસા થઈ રહી છે, તેમને મારવામાં આવી રહ્યા છે.
રાહુલ ગાંધીએ વિદ્યાર્થીઓનો વીડિયો શેર કર્યો
રાહુલ ગાંધીએ વીડિયો સાથે કેપ્શનમાં લખ્યું છે કે, આવી રીતે હિંસા વેઠી રહ્યા છે ભારતીય વિદ્યાર્થીઓ અને વીડિયો જોનારા તેમના માતા-પિતા અને પરિવાર પ્રત્યે મારી સંવેદના. આવી રીતની હિંસા વેઠી રહેલા ભારતીય વિદ્યાર્થીઓ અને વીડિયો જોનારા તેમના પરિવારના લોકો માટે દિલથી દુ:ખી થઈ રહ્યો છું. કોઈ પણ વાલીએ આવી સ્થિતીમાંથી પસાર ન થવું જોઈએ. ભારત સરકારે યુક્રેનમાં ફસાયેલા પોતાના નાગરિકો અને તેમના પરિવાર સાથે તાત્કાલિક નિકાસીની યોજના શેર કરવી જોઈએ. આપણે આપણા નાગરિકોને આવી રીતે છોડી શકીએ નહીં.
My heart goes out to the Indian students suffering such violence and their family watching these videos. No parent should go through this.
GOI must urgently share the detailed evacuation plan with those stranded as well as their families.
આ અગાઉ રાહુલ ગાંધીએ કર્ણાટકના અમુક ભારતીય વિદ્યાર્થીઓનો એક વીડિયો શેર કર્યો હતો, જે યુક્રેનમાં એક બંકરમાં ફસાયેલા હતા. વીડિયો શેર કરતા ટ્વિટ કર્યું કે, બંકરમાં રહેલા ભારતીય વિદ્યાર્થીઓનું આ દ્રશ્ય પરેશાન કરે છે. ઘણા બધાં પૂર્વ યુક્રેનમાં ફસાયેલા છે. જ્યાં ભીષણ હુમલાઓ થઈ રહ્યા છે. હું તેમના ચિંતિત પરિજનો સાથે હું . હું ફરી એક વાર ભારત સરકાર સાથે તેમને તાત્કાલિક બહાર કાઢવાની અપીલ કરુ છું.
ઓપરેશન ગંગા અંતર્ગત યુક્રેનથી અત્યાર સુધીમાં 1156 લોકોની વાપસી
વિદેશ મંત્રાલયે યુદ્ધગ્રસ્ત યુક્રેનથી ભારતીયોની વાપસી માટે રવિવારે સત્તાવાર ટ્વિટર હૈંડલ પરથી ઓપગંગા હેલ્પલાઈની શરૂઆત કરી છે. યુક્રેનમાં ફસાયેલા ભારતીયોને પાછા લાવવા અભિયાનને ઓપરેશન ગંગા નામ આપવામાં આવ્યું છે. સોમવારે સવારે એર ઈંડિયાની ફ્લાઈટ ai 1942 લગભગ સવારે 6.30 કલાકે રોમાનિયાની રાજધાની બુખારેસ્ટથી દિલ્હી પહોંચી છે. તેમાં 249 ભારતીય નાગરિકો સવાર હતા. ઓપરેશન ગંગા અંતર્ગત ત્રણ દિવસમાં પાંચમી ફ્લાઈટ ત્યાંથી આવી પહોંચી હતી. ત્રણ દિવસમાં અત્યાર સુધીમાં 1156 લોકોને હેમખેમ પાછા લાવવામાં આવ્યા છે.