coronavirus / કોરોના સંકટમાં એવું કૌભાંડ પકડાયું કે જાણીને ગુસ્સાનો પાર નહીં રહે, પૈસા માટે લોકોના જીવની નથી ચિંતા

• Covid-19 ના ડરના કારણે માસ્કની ભારે ડિમાંડ
• બિલાડીની ટોપની જેમ બનવા માંડી માસ્કની ફેકટરીઓ
• નળની ટાંકીઓની થેલીઓ બનાવનારે માસ્કનું ઉત્પાદન શરૂ કરી દીધું

તપાસ કરતાં સામે આવ્યું છે કે માસ્કનો પુરવઠો જયાંથી આવે છે, ત્યાં ન તો સાફ-સફાઇ અને ન કોઇ સુરક્ષાના નિયમોનું પાલન કરવામાં આવે છે. એનો મતલબ છે કે આવા માસ્ક પહેરવા જાતે જ કોરોના સંક્રમણને આમંત્રિત કરવાનું છે. 

દુનિયાભરમાં આરોગ્યના વિશેષજ્ઞો ચેતાવણી આપી ચૂક્યાં છે કે Covid-19 ફેલાવો સંક્રમિત વ્યક્તિની શ્વાસની સાથે આવનારા ડ્રોપલેટ્સ થી પણ ફેલાય છે. આ સાથે જ વાયરસવાળી જગ્યા અને વસ્તુઓની અડવાથી પણ આ સંક્રમણ ફેલાય છે. 

 

એક ખાનગી મીડિયા ઇંડિયા ટૂ઼ડેના અંડર કવર રિપોર્ટની ટીમને આ અંગેની જાણકારી મળતાં આ કાળા ધંધાની જગ્યા સુધી પહોંચવા માટે નોર્થ ઇસ્ટ દિલ્હીમાં આવેલ કરાવલનગરની સાંકડી અને ગંદી ગલીઓમાં પહોંચી. 

થેલીઓ બની ગઇ માસ્ક

આ ગલીઓમાં અંડર કવર મીડિયાના રિપોર્ટરે સ્થાનિક દિલીપકુમાર રાય સાથે વાતચીત કરી. આ શખ્સ અત્યાર સુધી બેગનું પેકિંગ માટે પ્લાસ્ટિકની થેલીઓ બનાવતો હતો પરંતુ હવે માસ્કની ડિમાંડને ધ્યાનમાં લઇ તે જ પેકિંગ મટીરિયલ્સથી માસ્ક  બનાવા લાગ્યો. આ શખ્સે ઉત્પાદન (મેન્યુફેકચરિંગ)નું કામ આસપાસના લોકોમાં પણ આઉટસોર્સિંગ કરી રાખ્યું છે. 

વધારે ઉત્પાદન, વધારે સપ્લાય

દિલીપકુમાર રાયે કબૂલ્યું કે એક જ વખતમાં 2 લાખ માસ્કમાં લગાવામાં આવતું મટીરિયલ્સ મેળવી શકે છે અને તેને 5,000ના બંડલોમાં ઉત્પાદનમાં લાગેલા ઘરોમાં વહેંચી દેશે. રાયના જણાવ્યાં અનુસાર આ મટીરિયલ્સથી પહેલા નળોની ટાંકીઓને પેક કરનારી થેલીઓ બનાવામાં આવતી હતી. 

જો તપાસમાં સામે આવ્યું છે કે રાય જથ્થામાં 8 રૂપિયા પ્રતિ પીસના હિસાબે સપ્લાય કરે છે. રાયે દાવો કર્યો છે કે આ માસ્ક દિલ્હીના એક સરકારી હોસ્પિટલમાં પણ સપ્લાય કરે છે. 

ન ગ્લબ્ઝ, ન સ્ટરલાઇજેશન

દિલ્હીની નજીક નોઇડામાં ખાનગી મીડિયાના ઇન્વેસ્ટીગેશન ટીમ એક ખખડધ્વજ બિલ્ડીંગમાં પહોંચી. અહીં ખોટા (ફર્જી) સર્જિકલ માસ્કની ફેકટરી ચલાવામાં આવી રહી હતી. નોઇડા સેકટર 6 માં આવેલી આ ફેક્ટરીમાં સિલાઇ કરનારાઓમાં ન ગ્લબ્ઝ (મોજા) હતા ન કોઇ સ્ટરલાઇેશન અથવા સાફ-સફાઇનું ધ્યાન રાખવામાં આવી રહ્યું હતું. 

ન જોવા મળ્યું કોઇ સોશિયલ ડિસ્ટેન્સિંગ

ગાઝિયાબાદના ઉદ્યોગ કૂંજ ઇન્ડસ્ટ્રિયલ વિસ્તારમાં માસ્ક બનાવાના સમયે કર્મચારીઓ એકબીજાની સૌથી નજીક બેઠેલા જોવા મળ્યાં. તેમના બોસ રાહુલ અગ્રવાલે કબલ્યૂં કે Covid-19 સાવધાની માટે કોઇ વધારે જાણકારી નથી.