સુરત / ખુલ્લેઆમ થઇ રહ્યું છે દારૂનું વેચાણ, સરથાણાના ડાયમંડ નગરનો વીડિયો વાયરલ

ગુજરાતમાં કાગળ પર દારૂબંધી હોય તેવું લાગી રહ્યું છે. કારણે કે રાજ્યમાં બેફામ કોઇ ડર વિના અને ખુલ્લેઆમ દારૂનું વેચાણ થઇ રહ્યું છે છતા પોલીસને આ અંગે કોઇ જાણ નથી અથવા તો જાણ છે છતા કોઇ કાર્યવાહી કરાતી નથી. વાત છે સુરતની જ્યાં ખુલ્લેઆમ દારૂનું વેચાણ થઇ રહ્યું છે. સરથાણાના ડાયમંડ નગરનો એક વીડિયો સામે આવ્યો છે. 

આ વીડિયોમાં કેટલાક શખ્સો ખુલ્લેઆમ દેશી દારૂ પીતા જોવા મળે છે અને એક શખ્સ બેખોફ દારૂનું વેચાણ કરી રહ્યો છે. ડાયમંડ નગર વિસ્તાર સરથાણા પોલીસ સ્ટેશનની હદમાં આવે છે ત્યારે લોકોનું કહેવું છે કે, પોલીસ દ્વારા આ અંગે કોઇ કાર્યવાહી નથી કરવામાં આવતી.