અમદાવાદ / મોડી રાત્રે બાઈક પર આવેલા ઈસમોએ વેપારી પર કર્યુ ફાયરિંગ, સમગ્ર ઘટના CCTV કેદ

• અમદાવાદમાં મોડી રાત્રે ફાયરિંગનો બનાવ
• રૂપિયા ન મળતા વેપારી પર કરાયું ફાયરિંગ
• સમગ્ર ઘટનાના CCTV સામે આવ્યા

અમદાવાદમાં નારોલ વિસ્તારમાં મોડી રાત્રે ફાયરિંગની ઘટના સામે આવી હતી. જેના CCTV સામે આવ્યા છે. 

અમદાવાદ નારોલમાં મોની હોટલ નજીક મૂર્તિ બનાવનારા વેપારી પર કરાયું ફાયરિંગ, ઘટનાના CCTV સામે આવ્યા#Ahmedabad @GujaratPolice pic.twitter.com/SZD1tDEMJ6

— VTV Gujarati News and Beyond (@VtvGujarati) July 27, 2021

નારોલની મોની હોટલ પાસે થયું હતું ફાયરિંગ

મોની હોટલ પાસે ગઈ કાલે રાત્રે અજાણ્યા ઈસમ દ્વારા વેપારી ઉપર ફાયરિંગ કરવામાં આવ્યું હતું જો કે આ સમગ્ર ઘટના કારખાનાની બહાર લાગેલા CCTV કેમેરામાં કેદ થઈ છે. ઘટના ઘટી ત્યારે મૂર્તિકાર સહિત પાંચ લોકો મૂર્તિ બનાવવાનું કામ કરી રહ્યા હતા. વેપારી મૂર્તિકાર પર ફાયરિંગ કરતા મૂર્તિકારને સામાન્ય ઇજા થઇ હતી. 

ફોન કરનારે પાંચ લાખ રૂપિયા માંગ્યા હતા

જો કે સમગ્ર મામલે પોલીસે તપાસ કરતા વિતગો સામે આવી છે કે નારોલ વિસ્તારમાં રામદેવ એસ્ટેટમાં 55 વર્ષના વેપારી પરમસુખ પ્રજાપતિને ચાર દિવસ અગાઉ વેપારી પર અજાણ્યા નંબરથી ફોન આવ્યો હતો જેમાં તેને ગબ્બરબોલું છું કહીને ફોન ઉપર ધમકી આપી હતી અને પાંચ લાખ રૂપિયાની માંગ કરાઈ હતી જે બાદ વેપારીએ પોલીસમાં ફરિયાદ પણ નોંધાવી હતી વેપારી પરમસુખને હતું કે કોઈ મજાક કરી રહ્યું છે પરતું ગઈકાલે રાત્રે 8 કલાકની આસપાસ બાઈક પર આવેલા ત્રણ ઈસમોએ તેમના પર ફાયરિંગ કરી દેતા તેમને સામાન્ય ઈજાપહોંચી હતી જો કે ફાયરિંગ કર્યા બાદ ઈસમો ફરાર થઈ ગયા હતા.

નારોલ પોલીસે CCTVના આધારે તપાસ હાથ ધરી

હાલ તો કારખાની બહાર લગાવેલા સીસીટીવીને આધારે પોલીસ વધુ તપાસ હાથ ધરી છે અને ફારયરિંગ કરનાર શખ્સોને ઝડપી પાડવા તપાસ ચક્રોગતિમાન કર્યા છે જો ફાયરિંગ કેમ કરવામાં આવ્યું તે હજુ સુધી જાણી શકાયું નથી પોલીસને શંકા છે કે અંગત અદાવાદતમાં કે ખંડણી મામલે ફાયરિંગ કરાયું હોવાનું પોલીસનું અનુમાન છે.