જો તમે લોકોની મદદ કરવાના સારા ઈરાદા સાથે પોતાનો બિઝનેસ શરુ કરવા માંગો છો તો કેન્દ્ર સરકારની મદદથી જન ઔષધી કેન્દ્ર એટલે કે જેનેરિક મેડીકલ સ્ટોર શરુ કેઈ શકો છો. આ બિઝનેસની સૌથી મોટી ખાસિયત છે કે તમને સરકાર અઢી લાખ રૂપિયાની મદદ કરશે. દેશમાં અત્યાર સુધી સાડા પાંચ હજાર જેનેરિક મેડીકલ સ્ટોર શરુ થઇ ગયાં છે.
એક મહિનામાં એક લાખ રૂપિયાની દવાઓનું વેચાણ કરો છો તો સરકાર તમને વીસ હજાર રૂપિયા આપશે
ઓનલાઈન ફોર્મ ભરીને કરી શકાય છે આવેદન
સ્ટોર શરુ કરવા માટે સરકાર તરફથી 900 દવાઓ આપવામાં આવશે
ઇન્સેન્ટીવ પણ આપશે સરકાર
જેનેરિક મેડીકલ સ્ટોરમાં દવા વેચવા પર 20 ટકા સુધીનું માર્જિન અને માસિક વેચાણ પર 15 ટકા ઇન્સેન્ટીવ પણ આપવામાં આવે છે. જોકે ઇન્સેન્ટીવની મહત્તમ સીમા માસિક 10 હજાર સુધી હોય છે. સરકારની યોજના અનુસાર ઇન્સેન્ટીવ ત્યાં સુધી આપવામાં આવશે જ્યાં સુધી અઢી લાખ પૂરા નાં થઇ જાય.
જેનેરિક મેડીકલ સ્ટોર શરુ કરવામાં અઢી લાખ રૂપિયા સુધીનો ખર્ચ આવે છે આમ આખો ખર્ચો સરકાર પોતે જ ઉઠાવી લે છે. જેનેરિક સ્ટોર ખોલવા માટે ત્રણ પ્રકારની કેટેગરી બનાવવામાં આવી છે.
પહેલી કેટેગરીમાં કોઈ પણ વ્યક્તિ, બેરોજગાર ફાર્માસિસ્ટ ડોક્ટર અથવા મેડીકલ પ્રેકટીશનર આ સ્ટોર ખોલી શકે છે.
બીજી કેટેગરી મુજબ ટ્રસ્ટ, એનજીઓ, ખાનગી હોસ્પિટલને તક આપવામાં આવશે.
ત્રીજી કેટેગરીમાં રાજ્ય સરકાર તરફથી નામાંકિત એજન્સીઓ આવશે.
કઈ રીતે મળશે લાભ
નવો સ્ટોર ખોલવા માટે 120 સ્ક્વેયર ફૂટ એરિયામાં દુકાન હોવી જરૂરી છે. સ્ટોર શરુ કરવા માટે સરકાર તરફથી 900 દવાઓ આપવામાં આવશે. જેનેરિક મેડીકલ સ્ટોરનાં મારફતે મહિનામાં જેટલી દવાઓનું વેચાણ થશે એના 20 ટકા કમીશનનાં રૂપે આપવામાં આવશે. જો તમે એક મહિનામાં એક લાખ રૂપિયાની દવાઓનું વેચાણ કરો છો તો સરકાર તમને વીસ હજાર રૂપિયા આપશે. જેનેરિક મેડીકલ સ્ટોર શરુ કરવા માટે રીટેલ ડ્રગ સેલ્સનું લાઈસેન્સ જન ઔષધીનાં નામ પર હોવું જરૂરી છે. અરજી કરવા માટે આધાર કાર્ડ અને પાન કાર્ડની જરૂર રહેશે.
ઓનલાઈન પણ આપી શકાય આવેદન
જેનેરિક મેડીકલ સ્ટોર શરુ કરવા માટે janaushadhi.gov.in પર ફોર્મ ડાઉનલોડ કરવું પડશે. આવેદન કરવા માટે બ્યુરો ઓફ પબ્લિક સેક્ટર અન્ડરટેકિંગ ઓફ ઈન્ડિયાનાં જનરલ મેનેજરનાં નામથી મોકલવાનું રહેશે. BPPIનું અડ્રેસ જન ઔષધીની વેબસાઈટ પર ઉપલબ્ધ છે. આ સિવાય ઘણી જાણકારી પણ આ વેબસાઈટ પરથી મળી શકશે. ઓનલાઈન પણ આવેદન ભરી શકાય છે જેના માટે વેબસાઈટ પર જઈ ઓનલાઈન ફોર્મ ભરવાનું રહેશે અને ડોકયુમેન્ટ અપલોડ કરીને ફોર્મ સબમિટ કરી શકાય છે.