Tuesday, July 16, 2019
સબસ્ક્રાઈબ કરો VTVGujarati ન્યુઝ Whatsapp
OMG

વાનગી / સ્વિટ્ઝર્લેન્ડની અનોખી રેસ્ટોરાં, જ્યાં સવાસો વર્ષથી પીરસાય છે માત્ર શાકાહારી ભોજન

સ્વિટ્ઝર્લેન્ડની અનોખી રેસ્ટોરાં, જ્યાં સવાસો વર્ષથી પીરસાય છે માત્ર શાકાહારી ભોજન

સ્વિટ્ઝર્લેન્ડનાં જ્યુરિક સ્થિત હોસ હિતલ રેસ્ટોરાં કંઇક ખાસ છે. લગભગ સવાસો વર્ષ પહેલાં આ રેસ્ટોરાંની સ્થાપના થઇ હતી ત્યારથી લઇને આ જ સુધી અહીં માત્ર શાકાહારી અને વિગન વાનગીઓ જ પીરસાય છે. આ ખૂબીના કારણે આ હોટલનું નામ ગિનિસ બુક ઓફ વર્લ્ડ રેકોર્ડમાં નોંધાયું છે. રેસ્ટોરાંમાં ભારતના પૂર્વ વડા પ્રધાન મોરારજી દેસાઇ સહિત ઘણી હસ્તીઓ જમી ચૂકી છે.

 

હોસ હિતલની સ્થાપના ૧૮૯૮માં થઇ હતી. હવે તેને હિતલ પરિવારની ચોથી પેઢી ચલાવી રહી છે. ખાસ વાત એ છે કે અહીંના જમવામાં ભારતીય, એશિયાઇ, ભૂમધ્ય સાગરીય અને સ્થાનિક સ્વિસ વસ્તુઓનો ઉપયોગ કરાય છે. હોસ હિતલની જયુરિકમાં આઠ બ્રાન્ચ છે. 

મુખ્ય હોટલમાં ઘણા બધા માળ પણ છે. સ્વિટ્ત્ઝર્લેન્ડમાં નોનવેજ ખૂબ જ પસંદ કરાય છે. હિતલ વેજીને સન્માન એટલે મળ્યું છે કેમકે રેસ્ટોરાંમાં કયારેય નોનવેજ પીરસવા અંગે વિચાર પણ કરાયો નથી.

Vegetarian food Haus Hiltl restaurant of Zurich

રેસ્ટોરાંની સ્થાપનાની કહાની દિલચસ્પ છે. તેની સ્થાપના જર્મન ટેલર એમ્બ્રોસિયસ હિતલે કરી હતી. તે સમયે ર૪ વર્ષીય હિતલને ડોકટરે ગંભીર આર્થરાઇટીસ હોવાનું કહ્યું હતું. સાથે એમ પણ કહેવાયું કે તેઓ નોનવેજ નહીં છોડે તો જલદી મૃત્યુ પામશે. તેમણે શાકાહારી વાનગીઓ ખાવાનું શરૂ કર્યું અને તેમની રિકવરી પણ થવા લાગી. હવે તેમને શાકાહારી ભોજન પણ પસંદ પડવા લાગ્યું. તેમને એમ્બ્રોસિયસની કૂક સાથે પ્રેમ થયો અને તેની લગ્ન કર્યાં. ૧૯૦૪માં રેસ્ટોરાંનું નામ બદલીને હોસ હિતલ કરી દીધું.

 

જોવા જેવું વધુ જુઓ

બ્રેકિંગ ન્યૂઝ