કચ્છમાં બહેનો માટે એકમાત્ર હીરાનું યુનિટ સ્વમાનભેર મેળવે છે રોજગારી

કચ્છઃ હીરા ઉદ્યોગની વાત આવે એટલે સુરત યાદ આવે તે સ્વાભાવિક છે. પરંતુ કચ્છમાં એકમાત્ર હીરાનું યુનિટ છે તે પણ ફક્ત બહેનો માટે. આજે કચ્છની બહેનો હીરા ઘસીને સ્વમાનભેર રોજગારી મેળવી પરિવારને મદદ કરી રહી છે.

કચ્છના સરહદી વિસ્તારમાં બહેનોને રોજગાર મળે તે હેતુથી ભુજમાં આવેલી સહજાનંદ રૂરલ ડેવલપમેન્ટ ટ્રસ્ટ દ્વારા શિક્ષિત મહિલાઓને ગ્રામ્ય રોજગારની તાલીમ આપી રહ્યા છે. તાલીમબદ્ધ મહિલાઓને રોજગારી આપવાનુ કામ કરે છે. આજે ભુજમાં આવેલા સંસ્થાના પરિસરમાં ડાયમંડ ઘસવાની ટ્રેનિંગ આપીને રોજગારી આપવામાં આવે છે. જેમા હાલ 16  જેટલી મહિલાઓ રોજગારી મેળવી રહી છે. જેમાં ફક્ત બહેનો હોય છે જેથી બહેનોને કોઈ જાતની તકલીફ ના પડે તેનું સંસ્થા દ્વારા ધ્યાન રાખવામાં આવે છે. હીરાનું કાચું મટીરિયલ ભાવનગર અને સુરતથી લાવવામાં આવે છે. સંસ્થા બહેનોની કામગીરીથી ખુશ છે.

એક બહેન મહિને દસ હજાર કમાઇ રોજને 200 હિરા ઘસે
હીરા ઘસવા આવતી બહેનોને ટ્રેનિંગ આપીને રોજગારી આપવામાં આવે છે. આજે બહેનો હીરા ઘસવાના કામમાં એટલી પારંગત થઈ ગઈ છે કે એક દિવસમાં બસ્સોથી વધારે હીરા સડસડાટ ઘસીને હીરાને ચમકાવી મૂકે છે. હીરા પાંચ વિભાગમાં ઘસવામાં આવે છે. જેમાં ઘાટ ટેબલ વિટ તળિયું અને મથાળું આમે દરેક બહેનોના કામ વહેંચી દેવામાં આવે છે.

એક બહેન મહિને દસ હજાર ઉપરના હીરા ઘસે છે જે પરિવારને સીધી મદદ કરે છે. તેમને આ મળતા કામથી બહેનો ખુશ છે. અહીંયા બહેનોની સુરક્ષા રહેલી છે. બીજી કોઈ જાતની તકલીફ નથી. તેઓ કામ સરળતાથી કરી શકે છે. બહેનો માને છે હીરા ઘસવાથી આંખોને કસરત થાય છે. આંખને પણ કોઈ નુકશાન થતું નથી. આમ અત્યારના આધુનિક યુગમાં સ્ત્રી પણ સ્વામાનભેર રોજગાર મેળવી પોતાના પરિવારને આર્થિક મદદ કરી શકે છે.

બહેનોને રોજગારી આપતી આ સહજાનંદ રૂરલ ટ્રસ્ટ તે ઉપરાંત શૈક્ષણીક યોજના જન આરોગ્ય સેવા તેમજ વોટર હારવેસ્ટિંગ મેનેજમેન્ટના કામ પણ કરે છે. આમ ભુજમાં આવેલી આ સંસ્થા દ્વારા મહિલા સશક્તિકરણ નું ઉત્તમ ઉદાહરણ પૂરું પાડે છે.