રિયાલિટી ચેક / એક શિક્ષકના હવાલે રઝડતું ભાવિ! રાજ્યની 700 શાળામાં 1-1 શિક્ષકથી ચલાવાઈ રહ્યું છે ભણતર, કચ્છ પહેલા નંબરે

• કચ્છના વિદ્યાર્થીઓનું ભવિષ્ય અંધકારમય
• કચ્છમાં 1400 શિક્ષકોની ઘટ છે : DPEO
• 102 પ્રાથમિક શાળાઓ એક શિક્ષકના સહારે : DPEO

ભણશે ગુજરાત..આગળ વધશે ગુજરાત..આ તાયફા માત્ર સરકાર વાહવાહી માટે જ કરે છે.કારણ કે, તેમને ગામડામાં બાળક ભણે કે, આગળ વધે તેમાં રશ જ નથી.તેમને બસ રાજનીતિ કરવી છે.. મતો મેળવવા છે.અને સત્તા પર આવ્યા બાદ યોજનાઓના નામે કરોડો રૂપિયા ઉડાવવા છે.આવું અમે નહીં પરંતુ કચ્છ જિલ્લાના લોકો કહે છે.કારણ કે, જિલ્લામાં એક જ શિક્ષકના સહારે 102 શાળાઓના બાળકોનું ભાવિ ઘડાઈ રહ્યું છે.

રાજ્યમાં એક જ શિક્ષકથી ચાલતી પ્રાથમિક શાળાઓની સંખ્યા 700 છે.વિધાનસભામાં સરકારે આ સ્વીકાર્યું છે. ત્યારે VTVની ન્યૂઝની ટીમ કચ્છમાં પહોંચી હતી. અને ત્યાં શિક્ષકોની શું પરિસ્થિતિ છે તે જાણવાનો પ્રયત્ન કર્યો હતો. આ દરમિયાન કચ્છના વિદ્યાર્થીઓના ભવિષ્ય અંગે ચોંકાવનારી વિગતો સામે આવી છે. 

કચ્છની આ શાળાઓમાં માત્ર 1 શિક્ષક

• 1. ભુજ - 32
• 2. લખપત- 07
• 3.રાપર- 17
• 4. ભચાઉ- 11
• 5. અંજાર- 02
• 6. નખત્રાણા- 11
• 7. અબડાસા- 05
• 8. માંડવી- 14
• 9.મુન્દ્રા - 03

VTV ન્યૂઝના ગ્રાઉન્ડ રિપોર્ટમાં ગુજરાત વિધાનસભા અધ્યક્ષ નીમાબેન આચાર્યના મતવિસ્તાર ભુજમાં જ સૌથી વધુ શિક્ષકોની ઘટ હોવાનો ખુલાસો થયો છે. કચ્છ જિલ્લાના શિક્ષણ અધિકારીએ શિક્ષકો વિશે માહિતી આપતા કહ્યું કે, કચ્છમાં સૌથી વધુ 102 પ્રાથમિક શાળાઓ એક જ શિક્ષકના સહારે ચાલે છે. અને કચ્છમાં કુલ 14 સો શિક્ષકોની ઘટ છે. આ ઉપરાંત VTVની ટીમ જદુરા પ્રાથમિક શાળાની મુલાકાત કરી હતી. જયાં માત્ર એક જ શિક્ષક ધોરણ 1 થી 5માં શિક્ષણ આપતા હોવાનું સામે આવ્યું હતુ

VTV ગુજરાતીના સળગતા સવાલ

• શું આવી રીતે ભણશે ગુજરાત?
• શું આવી રીતે આગળ વધશે ગુજરાત?
• ક્યાં ગયા શિક્ષણ પાછળ ખર્ચાતા કરોડો રૂપિયા?
• હજારો યુવાનો બેરોજગાર તો કેમ ભરતી નથી થતી?
• ગુણોત્સવ અને પ્રવેશોત્સવના તાયફા માટે લાકોનો ખર્ચ શા માટે?
• તાયફાઓ બંધ કરી કેમ શિક્ષકોની ભરતી નથી કરાતી?