જો તમારાથી ભૂલથી કોઈના બીજાના ખાતામાં પૈસા ટ્રાન્સફર થઈ જાય તો ગભરાવવાની જરૂર નથી. આ સિમ્પલ સ્ટેપ ફોલો કરી તમે પૈસા પરત મેળવી શકો છો.
બેન્કિંગ સિસ્ટમમાં થઈ રહ્યા છે મોટા ફેરફાર
હવે વધુ પડતા લોકો કરી રહ્યા છે ઓનલાઈન પેમેન્ટ
પરંતુ ખોટી જગ્યા પર પૈસા જતા રહે તો આ રીતે પરત મેળવો
છેલ્લા કેટલાક વર્ષોમાં બેંકિંગ સિસ્ટમમાં મોટા ફેરફારો જોવા મળ્યા છે. આજકાલ લોકો રોકડ વ્યવહારને બદલે નેટ બેંકિંગ, UPI પેમેન્ટ, ક્રેડિટ કાર્ડ, ડેબિટ કાર્ડ વગેરેનો ઉપયોગ કરવા લાગ્યા છે. આ બધા માધ્યમોનો ઉપયોગ કરવાથી આપણો સમય બચે છે, સાથે આ પૈસા પણ વહેલામાં વહેલી તકે ટ્રાન્સફર થાય છે.
પરંતુ જેમ દરેક વસ્તુના ફાયદા અને ગેરફાયદા બંને હોય છે તેવી જ રીતે આ રીતે પૈસા ટ્રાન્સફર કરવાના ફાયદાની સાથે ગેરફાયદા પણ છે. ઘણી વખત લોકો ઉતાવળમાં ખોટા ખાતામાં પૈસા ટ્રાન્સફર કરી દે છે. જેના કારણે તેમને ભારે મુશ્કેલીનો સામનો કરવો પડે છે.
ખોટા ખાતામાં પૈસા ટ્રાન્સફર થઈ ગયા છે તો આટલું કરો
જો તમે પણ ઉતાવળમાં ખોટા ખાતામાં પૈસા ટ્રાન્સફર કરી દીધા છે તો ચિંતા કરવાની જરૂર નથી. તમે અમુક સિમ્પલ સ્ટેપ ફોલો કરીને તમારા ખાતામાં પૈસા પરત લઈ શકો છો. તો ચાલો અમે તમને જણાવીએ કે ખોટા ખાતામાં પૈસા ટ્રાન્સફર થાય તો તમારે શું કરવું જોઈએ.
જો ઓનલાઈન નેટ બેંકિંગ, ક્રેડિટ કાર્ડ, ડેબિટ કાર્ડ વગેરે દ્વારા પૈસા ટ્રાન્સફર કરતી વખતે જો પૈસા ખોટા ખાતામાં જાય છે, તો તમારે સૌથી પહેલા બેંકના કસ્ટમર કેર સાથે વાત કરીને માહિતી આપવી જોઈએ. આ સાથે કસ્ટમર કેર સાથે બેંક ટ્રાન્ઝેક્શનના સ્ક્રીનશૉટ્સ પણ શેર કરો. આ પછી બેંક તમારી request પર કાર્યવાહી શરૂ કરશે.
જો તમે નેટ બેંકિંગ દ્વારા કોઈને પૈસા ટ્રાન્સફર કર્યા છે. તો બેંક એકાઉન્ટ નંબર સાથે IFSC કોડ દાખલ કરવો પડશે. જો તમારો IFSC કોડ ખોટો છે તો આવી સ્થિતિમાં તમારા પૈસા ખાતામાંથી કાપ્યા પછી 24 થી 48 કલાકની અંદર ખાતામાં પાછા આવી જશે. જો પૈસા પરત ન આવે તો તમે બેંકનો સંપર્ક કરી શકો છો.
જો તમારા પૈસા ખોટા બેંક ખાતામાં ટ્રાન્સફર થયા છે, તો આવી સ્થિતિમાં તમે બેંકની શાખામાં જઈને તેના વિશે માહિતી આપી શકો છો. પરંતુ ધ્યાનમાં રાખવાની વાત એ છે કે જો પૈસા અન્ય બેંક ખાતામાં ટ્રાન્સફર કરવામાં આવ્યા છે તો તેને પાછા મેળવવામાં 2 મહિનાથી વધુ સમય લાગશે.
આ સાથે તમે તે બેંકમાં પણ જઈ શકો છો જ્યાં ભૂલથી પૈસા ગયા છે અને તમારી ફરિયાદ નોંધાવી શકો છો. આવી સ્થિતિમાં તમારી ફરિયાદને ધ્યાનમાં રાખીને બેંક તે ખાતાને ફ્રીઝ કરશે અને તમારા પૈસા પાછા આવશે.
જો પૈસા ગયા પછી કોઈ પૈસા પરત કરવાનો ઇનકાર કરે છે, તો આવી સ્થિતિમાં તમે કાયદાકીય મદદ પણ લઈ શકો છો. તમે પોલીસમાં તમારી ફરિયાદ નોંધાવી શકો છો અને કોર્ટની મદદથી તમારા પૈસા મેળવી શકો છો.