કોઈ પણ પ્રોડક્ટને ઓનલાઈન ખરીદવા માટે ગ્રાહક સૌથી વધારે ભરોસો તે પ્રોડક્ટના રેટિંગ અને રિવ્યૂ પર કરે છે.
રેટિંગ જોઈને સામાન ખરીદો છો ?
તો તમારે આ ખાસ વાંચવા જેવું છે
જાણો કંપની કઈ રીતે કરે છે છેતરપિંડી
ઓનલાઈન શોપિંગ કરતી વખતે જો તમે રેટિંગ જોઈને સામાન ખરીદો છો તો સાવધાન થઈ જાઓ. કારણ કે દિગ્ગજ ઈ-કોમર્સ કંપનીઓના પ્લેટફોર્મ્સ પર રેટિંગ અને રિવ્યૂની સાથે છેતરપિંડી કરવામાં આવે છે. કોઈ પણ પ્રોડક્ટને ઓનલાઈન ખરીદવા માટે ગ્રાહક સૌથી વધારે ભરોસો તે પ્રોડક્ટના રેટિંગ અને રિવ્યૂ પર જ કરે છે. પરંતુ દેશની સૌથી મોટી ઈ-કોમર્સ કંપનીઓ એમેઝોન (Amazon) અને ફ્લિપકાર્ટ (Flipkart) પર ઘણા એવા વિક્રેતા ગ્રાહકો પર પ્રોડક્ટ માટે 5 સ્ટાર રેટિંગ આપવાનું દબાણ કરે છે.
બ્રિટિશ રેગ્યુલેટર નકલી રિવ્યૂના વિરૂદ્ધ એમેઝોન અને ગુગલની તપાસ કરી રહ્યું છે. બ્રિટિશ રેગ્યુલેટર કંપટીશન એન્ડ માર્કેટ ઓથોરિટીએ (CMA) આ વર્ષે જૂનમાં એમેઝોન અને ગુગલની તપાસ શરૂ કરી છે. આરોપ છે કે આ બન્ને કંપનીઓએ નકલી રિવ્યૂની સમસ્યાનો ઉકેલ લાવવાનો કોઈ પ્રયત્ન નથી કર્યો જે બ્રિટનમાં કાયદાનું ઉલ્લંધન છે.
નકલી રિવ્યૂથી ઓનલાઈન શોપિંગ કરનાર લોકો થઈ શકે છે ભ્રમિત
સીએમએના સીઈઓએ તપાસ શરૂ કરતી વખતે કહ્યું છે કે ફેક રિવ્યૂ વધીને ઓનલાઈન શોપિંગ કરનાર લોકો ભ્રમિત થાય છે. જો અમુક વ્યાપારી 5 સ્ટાર રિવ્યૂના કારણે પ્રોડક્ટ્સ અને સર્વિસને સારી બનાવીને તેનું વધારે વેચાણ કરવામાં સફળ રહે છે તો તે કાયદા દ્વારા તેમને આમ કરવાથી રોકી શકે છે.
ફેક રિવ્યૂના વિરૂદ્ધ કાયદો નહીં હોવાનો ઉઠાવી રહ્યા છે ફાયદો
વિકસિત દેશોમાં ફેક રિવ્યૂ રેટિંગ વિરૂદ્ધ કાયદો છે. પરંતુ ભારતમાં એવો કાયદો નથી. જેનો ફાયદો ઈ-કોમર્સ કંપનીઓ દ્વારા સામાન વેચનાર વિક્રેતા ઉઠાવી શકે છે.
ફેક રેટિંગ દ્વારા આપી રહ્યા છે ઓફર
ઈ-કોમર્સ કંપનીઓના વિક્રેતા પ્રોડક્ટની રેટિંગ આપવા માટે ગ્રાહકોને ખાસ ઓફર આપી રહ્યા છે. તે ગ્રાહકોને કોલ કરી ખરીદવામાં આવેલા પ્રોડક્ટની 5 સ્ટાર રેટિંગ આપવા માટે કહી રહ્યા છે. તેના બદલામાં તેમને પ્રોડક્ટ પર વોરન્ટી અથવા એક્સ્ટ્રા વોરન્ટીની ઓફર આપવામાં આવી રહી છે.
2030 સુધી 40 બિલિયન ડોલરનું હશે ઈ-કોમર્સ માર્કેટ
એક રિપોર્ટ અનુસાર 2030 સુધી ભારતમાં ઈ-કોમર્સનો આકાર વધીને 40 બિલિયન ડોલર થઈ જશે. 2019માં આ ફક્ત 4 બિલિયન ડોલરનો હતો. આ ગ્રોથ રેટની પાછળ ડિજિટલ ક્રાંતિ ખૂબ જ મોટુ કારણ છે. ભારતમાં ઈન્ટરનેટ યુઝર્સની સંખ્યા ખૂબ જ ઝડપથી વધી રહી છે. આ જ કારણ છે કે ઓનલાઈન ખરીદીમાં ખૂબ જ તેજી જોવા મળી રહી છે.