તમારા કામનું / પાસપોર્ટ માટે આ રીતે ઘરે બેઠા કરો એપ્લાય, સિમ્પલ સ્ટેપ્સથી ફટાફટ થઈ જશે તમારૂ કામ

• પાસપોર્ટ માટે આ રીતે કરો અરજી 
• ઘરે બેઠા ફટાફટ થઈ જશે કામ
• જાણો સ્ટેપ બાય સ્ટેપ પ્રોસેસ 

વિદેશમાં ક્યાંય પણ જવું હોય તો આપણા માટે સૌથી મહત્વપૂર્ણ દસ્તાવેજ પાસપોર્ટ હોવો ખૂબ જ જરૂરી છે. એક સમય હતો જ્યારે લોકોને પાસપોર્ટ મેળવવા માટે મહિનાઓ લાગી જતા હતા. પરંતુ, હવે તેની એપ્લિકેશનની રીતમાં ઘણો ફેરફાર કરવામાં આવ્યો છે. આ કારણે હવે પાસપોર્ટ માટે અરજી કરવાની પ્રક્રિયા ખૂબ જ સરળ બની ગઈ છે.

છેલ્લા કેટલાક વર્ષોમાં દેશમાં ડિજિટલાઇઝેશનનો વ્યાપ ખૂબ જ ઝડપથી વધ્યો છે. આવી સ્થિતિમાં, સરકાર વધુને વધુ વસ્તુઓ ઓનલાઈન કરવાનો પ્રયાસ કરી રહી છે. હવે તમારે પહેલાની જેમ પાસપોર્ટ મેળવવા માટે 10 ધક્કા ખાવા પડશે નહીં. હવે તમે ઘરે બેઠા ઓનલાઈન કેટલીક પ્રક્રિયાને અનુસરીને પાસપોર્ટ માટે અરજી કરી શકો છો.

હવે પાસપોર્ટ એપ્લાય કર્યા બાદ લોકોને માત્ર 10 થી 15 દિવસમાં સરળતાથી પાસપોર્ટ મળી જશે. આ દસ્તાવેજ બનાવવા માટે, તમારે ID પ્રૂફ માટે આધાર કાર્ડ, વીજળી બિલ વગેરે જેવા દસ્તાવેજોની જરૂર પડશે. તો ચાલો જાણીએ કે કેવી રીતે આપણે ઘરે બેઠા સરળતાથી પાસપોર્ટ માટે અરજી કરી શકીએ છીએ. 

પાસપોર્ટ માટે આ રીતે સ્ટેપ બાય સ્ટેપ ઓનલાઈન અરજી કરો-

• જો તમે તમારો પાસપોર્ટ બનાવવા માટે ઓનલાઈન અરજી કરવા માંગો છો, તો આ માટે તમારે વિદેશ મંત્રાલય, ભારત સરકારની પાસપોર્ટ સેવાની સત્તાવાર વેબસાઈટ https://www.passportindia.gov.in/ પર ક્લિક કરવું પડશે.
• સૌ પ્રથમ અહીં રજીસ્ટ્રેશન કરો.
• પછી તમને એક ફોર્મ ભરવા માટે કહેવામાં આવશે. આમાં તમારું નામ, તમારા ઘરની નજીકની પાસપોર્ટ ઓફિસ, ઈમેલ આઈડી, જન્મ તારીખ અને લોગઈન આઈડી દાખલ કરો.
• આગળ તમારે પાસપોર્ટ સેવા વિકલ્પ પર ક્લિક કરવાનું રહેશે.
• પછી Continue વિકલ્પ પસંદ કરો.
• પછી Click Here To Fill પર ક્લિક કરો.
• અહીં તમને બધી માહિતી પૂછવામાં આવશે, જે તમારે યોગ્ય રીતે ભરવાની રહેશે. ધ્યાનમાં રાખો કે કોઈપણ માહિતી ખોટી ન ભરો નહીંતર તમારી પાસપોર્ટ અરજી પાછળથી રિજેક્ટ થઈ શકે છે.
• માહિતી ભર્યા પછી સબમિટ કરો.
• તમારી આપેલ માહિતીને ક્રોસ ચેક કરવા માટે, View Saved/Submitted Applications વિકલ્પ પર ક્લિક કરો.
• તમારે તમારા ઘરની નજીકની પાસપોર્ટ ઓફિસની એપોઇન્ટમેન્ટની તારીખ લેવી પડશે.
• Pay and Book Appointmentનો વિકલ્પ પસંદ કરીને અરજી ફોર્મની રસીદની પ્રિન્ટ આઉટ લો.
• પાસપોર્ટ ઓફિસમાં તમારી એપોઇન્ટમેન્ટ જે દિવસે તે દિવસે ઓફિસે પહોંચવાનું રહેશે.
• ત્યાં ભરેલી વિગતોને વેરિફાઈ કરવામાં આવશે.
• પછી પોલીસ વેરિફિકેશનની પ્રક્રિયા પૂર્ણ કરવામાં આવશે. 
• ત્યાર બાદ 10થી 15 દિવસ બાદ પાસપોર્ટ બનીને તમારા ઘરે  Speed Postથી પહોંચી જશે.