પરીક્ષા / JEE માટે ૨ સપ્ટેમ્બરથી ઓનલાઈન ફોર્મ ભરી શકાશે

આ પરીક્ષા પાસ કર્યા પછી વિદ્યાર્થી દેશની મુખ્ય એન્જિનિયરિંગ અને આર્કિટેક્ટ કોલેજમાં મેરિટના આધારે એડમિશન મેળવે છે. આ વર્ષમાં વિદેશી વિદ્યાર્થીને એનઆઈટી અથવા આઈઆઈટીમાં એડમિશન માટે જેઈઈ મેઈન્સ પાસ કરવી જરૂરી છે. પરીક્ષાની પદ્ધતિ અને તેના અભ્યાસક્રમમાં આ વખતે કોઈ પણ પ્રકારે ફેરફાર કરવામાં આવ્યો નથી. 

જેઈઈ પરીક્ષા અને કેટનું શેડ્યૂલ જાહેર કરવામાં આવ્યું છે. જેઈઈ માટે રજિસ્ટ્રેશન ૨ સપ્ટેમ્બરમાં યોજાશે. એનડીએ અને એનકે માટે રજિસ્ટ્રેશન પ્રક્રિયાની શરૂઆત બુધવારથી શરૂ કરવામાં આવી છે. કોમન એડમિશન ટેસ્ટ -કેટ માટે ઓનલાઈન રજિસ્ટ્રેશન ૭ ઓગસ્ટના પ્રક્રિયા શરૂ કરવામાં આવી છે. ઓનલાઈન આવેદન ૧૮મી સપ્ટેમ્બર સુધી કરાવી શકાશે. આ એક્ઝામ દ્વારા દેશની તમામ આઈઆઈએમ સહિત ટોપ મેનેજમેન્ટ ઈન્સ્ટિટ્યૂટમાં એડમિશન મળે છે. કેટની પરીક્ષા ૨૪ નવેમ્બરના રોજ લેવાશે. 

નેશનલ ડિફેન્સ એકેડમી અને નેવલ એકેડમી માટે ઓનલાઈન રજિસ્ટ્રેશનની શરૂઆત ૭ ઓગસ્ટના રોજથી કરવામાં આવી છે. ૯ સપ્ટેમ્બર સુધીમાં ફોર્મ જમા કરાવી શકાશે. તેની પરીક્ષા ૧૭ નવેમ્બરના રોજ લેવામાં આવશે. આ પરીક્ષામાં પાસ થનાર વિદ્યાર્થીઓ આર્મીની કોઈપણ એકેડેમીમાં પ્રવેશ મેળવી શકશે. પરીક્ષાનું આયોજન વર્ષમાં બે વખત કરવામાં આવે છે. કોર્સમાં એડમિશન લેખિત પરીક્ષા અને પર્સનાલિટી ટેસ્ટ આપ્યા પછી મળે છે.