ઓનલાઈન શિક્ષણની આડમાં બાળકો પોર્નસાઈટ જોવા લાગ્યા હોવાનો ચોંકાવનારો ખુલાસો થયો છે. સૌરાષ્ટ્ર યુનિવર્સિટીના મનોવિજ્ઞાન ભવનના સર્વેનું તારણ માતા-પિતા માટે લાલબત્તી સમાન છે.
7 વર્ષની બાળકી પોર્નસાઈટ જોતી હોવાનું સામે આવ્યું
સોશિયલ મીડિયાનું વ્યસન ધુમ્રપાન કરતા વધુ ઘાતક હોવાનું માલૂમ પડ્યું છે. બાળકોને ઈન્ટરનેટથી શક્ય હોય તેટલા દૂર રાખવાની મનોવૈજ્ઞાનિકો દ્વારા સલાહ આપવામાં આવી રહી છે. સૌરાષ્ટ્ર યુનિવર્સિટીના મનોવિજ્ઞાન ભવનના પ્રોફેસર ડૉ. ધારા દોષી દ્વારા કરવામાં એક સર્વે કરવામાં આવ્યો હતો. જેમાં 7 વર્ષની બાળકી પોર્નસાઈટ જોતી હોવાનું સામે આવ્યું હતું.
બાળકીનું ખાસ કાઉન્સેલિંગ કરવામાં આવ્યું છે. અને વાલીઓ માટે બાળકો મોબાઈલ જોતા હોય ત્યારે ખાસ ધ્યાન રાખવા સૂચન આપવામાં આવ્યું છે.
મોબાઈલની બાળકો પર આડઅસર
ઓનલાઈન શિક્ષણથી બાળકોને મોબાઈલની લત લાગે ચે
વીડિયો, કાર્ટુન, ગેમમાં બાળકો વ્યસ્ત રહે છે
કેટલાક વિદ્યાર્થીઓમાં પોર્નસાઈટ જોવાનું ચલણ વધી રહ્યું છે
બાળકો મોબાઈલમાં વ્યસ્ત હોવાથી સામાજિક હતાશાનો શિકાર બને છે
બાળકોને હૃદય, ડાયાબીટીસ, હાયપરટેન્શન, કેન્સર જેવી બીમારી વધે છે
આંખોની કીકી ત્રાંસી થઈ જાય છે
મોબાઈલ સ્ક્રીનથી નીકળતી બ્લૂ લાઈટ આંખોના રેટીનાને નુકસાન પહોંચાડે છે
માનસિક વિકાસ રૂંધાઈ જાય છે, બાળક સુનમૂન બેઠું રહે છે
દિવસ દરમિયાન બાળકોને થાક અને બેચેની લાગે છે
બાળકોની ઊંઘની માત્રામાં ઘટાડો થાય છે
મોબાઈલની લત છોડાવવા શું કરવું?
બાળકો સાથે નકારાત્મક વાતો કરવાનું ટાળવું જોઈએ
કેટલાક માતા-પિતા બાળકોને વ્યસ્ત રાખવા મોબાઈલ આપી દે છે તેમ ન કરવું જોઈએ
શાળાઓ દ્વારા પ્રત્યક્ષ શિક્ષણ શરૂ કરવામાં આવે તો આ કૂટેવ ઘટી શકે છે
બાળકો પોતાની દિનચર્યામાં વ્યસ્ત રહેશે તો મોબાઈલની કૂટેવ ઘટશે