શિક્ષણ સમાચાર / વાલીઓ માટે સારા સમાચાર: ખાનગી શાળા સંચાલકોએ લીધો આ નિર્ણય

• સરકાર પાસે રાહતની અપેક્ષા
• સરકાર પણ વચગાળા નો રસ્તો કાઢે તેવી માંગ
• વિદ્યાર્થીઓના હીતમાં નિર્ણય

ઓનલાઇન શિક્ષણ આવતીકાલથી શરુ કરવાનો ખાનગી સ્કૂલોએ નિર્ણય લીધો છે ત્યારે સંચાલકો હાઇકોર્ટમાં આ અંગે એ લડાઈ ચાલુ છે વિદ્યાર્થીઓના હિત ને ધ્યાનમાં રાખીને અમે ઓનલાઇન શિક્ષણ પૂરું પાડવાની રાહત આપી છે વિદ્યાર્થીઓના ભાવિ સાથે ચેડાં ન કરી શકાય જેથી હવે સરકાર પણ વચગાળા નો રસ્તો કાઢે તેવી સરકાર પાસે હવે ખાનગી શાળા માં સંચાલકોએ અપીલ કરી છે

સરકાર પાસે રાહતની અપેક્ષા

નોંધપાત્ર છે કે, કોરોના ની મહામારી સમયે ઓનલાઇન  શિક્ષણ પૂરું પાડવામાં આવતું હતું જો કે ફી નહિ ભરવાના નિર્ણય સામે સંચાલકો એ સરકાર સામે નારાજગી દર્શાવી ઓનલાઇન શિક્ષણ બંધ કરવાનો નિર્ણય લીધો હતો જે હવે મામલો હાઇકોર્ટ માં પેન્ડિંગ છે હાઇકોર્ટ માં સુનાવણી થાય તે પહેલ જ નિર્ણય સંચાલકો એ બદલી નાખ્યો છે અને રાહત માટે સરકાર પાસે અપેક્ષા રાખી રહ્યા છે. 

આવતીકાલથી ઓનલાઇન શિક્ષણની ફરી શરૂઆત થવા જઇ રહી છે. કાલથી 16 હજાર ખાનગી સ્કૂલોમાં ઓનલાઇન શિક્ષણ આપશે. 16 હજાર સ્કૂલના 43 લાખ વિદ્યાર્થીઓને શિક્ષણ મળશે. ફી ભરી હોય કે ન ભરી હોય તમામ વિદ્યાર્થીઓને ઓનલાઇન શિક્ષણ આપનો નિર્ણય ખાનગી શાળાના સંચાલકોએ કર્યો છે. ફરીથી શિક્ષણ બંધ ન થાય તેવી વાલીઓએ આશા વ્યક્ત કરી છે. તેમજ વિદ્યાર્થીઓના ભાવિ સાથે ચેડાં ન કરવા સરકારને  અપીલ કરી છે.