અમદાવાદ / ઓનલાઇન જૂનો સામાન વેચવાની ઉતાવળમાં આવી ભૂલ ના કરી બેસતા, નહીંતર ખાતા ખાલી થઇ જશે!

• OLX સાઇટ પર સોફાસેટ અને બેડ વેચવા મૂકવાનું ભારે પડી ગયું
• OLX અને ઓનલાઇન પર વસ્તુઓ વેચતાં પહેલાં સાવધાન! 
• ઈન્સપેક્ટરે QR કોડ સ્કેન કર્યોને 74 હજાર ઉપડી ગયા

સાબરમતીના અતિથિ રે‌સિડેન્સીમાં રહેતા અને આંબાવાડી પાસેના જીએસટી ભવનમાં આવેલ સેન્ટ્રલ જીએસટી ઇન્સ્પેક્ટર તરીકે ફરજ બજાવતા હેમંત દહીયાએ સાબરમતી પોલીસ સ્ટેશનમાં ચી‌ટિંગની ફરિયાદ કરી છે. હેમંતે OLX વેબસાઈટ પર તેમના સોફાસેટ તથા બેડ વેચવા 16 હજારમાં મૂક્યા હતા.

ગઠિયાએ કહ્યું- મને સોફાસેટ- બેડ પસંદ છે...

16 જાન્યુઆરીના રોજ એક ગ‌ઠિયાએ ફોન કરીને કહ્યું કે સોફાસેટ અને બેડ મને પસંદ આવેલ છે. હું ફર્નિચરની આઈટમ કલેક્ટ કરવાનું કામકાજ કરું છું, જેથી તમે આ બેડ તથા સોફાસેટ OLX પરથી હટાવી દો, હું તમને એડ્વાન્સ પેમેન્ટ અત્યારે આપી દઉં છું.

હેમંતભાઇના 74 હજાર રૂપિયા ઉપડી ગયા

ગ‌િઠયાએ હેમંતને કહ્યું કે તમે ગૂગલ-પે યુઝ કરો છો? તો તેમણે હા પાડતાં હેમંતના મોબાઇલ પર એક QR કોડ મોકલ્યો હતો. તે તમે સ્કેન કરો પછી હું દસ રૂપિયા ટ્રાન્સફર કરી તમારું એકાઉન્ટ કન્ફર્મ કરું. ગઠિયાએ આમ કહેતાં હેમંતભાઈ એ ગઠિયાની જાળમાં ફસાઈ ગયા હતા. ત્યારબાદ હેમંતભાઇના બે અલગ અલગ ખાતામાંથી 74 હજાર રૂપિયા ડે‌બિટ થઇ ગયા હતા. સાબરમતી પોલીસે આ મામલે ગુનો દાખલ કરી વધુ તપાસ શરૂ કરી છે.