અમદાવાદમાં છેલ્લા ઘણા સમયથી ઓનલાઇન છેતરપિંડી-ઠગાઈમાં નોંધપાત્ર વધારો થઇ રહ્યો છે. જુદી જુદી મોડસ ઓપરેન્ડીથી થતી છેતરપિંડીની રોજ સરેરાશ ૩૦થી ૪૦ અરજી સાયબર ક્રાઇમને મળતી હોય છે.
ગઠિયાઓ કેવી તરકીબ અજમાવી લોકોને ભરમાવે છે
કઈ રીતે કાળજી રાખવી?
સાયબર ગુનાનો ભોગ બન્યા બાદ સૌપ્રથમ શું કરવું?
આ ઉપરાંત ડેબિટકાર્ડ ફ્રોડ, ક્રેડિટકાર્ડ, લોન, લોટરી, નોકરી, શોપિંગ, ઓએલએક્સ, બજાજકાર્ડ, ગૂગલ એપ, પેટીએમ કેવાયસી કે પછી ફેસબુક, ઇન્સ્ટાગ્રામથી પણ છેતરપિંડી થઇ રહી છે. સાયબર ક્રાઇમ પોલીસ લોકોને જાગૃત કરે છે તેમ છતાં લોકો ટોપ 10 મોડસ ઓપરેન્ડીથી ઠગાઈ-છેતરપિંડીનો ભોગ બને છે.
ગઠિયાઓ કેવી તરકીબ અજમાવી લોકોને ભરમાવે છે
બેન્કમાંથી બોલું છું ડેબિટ અને ક્રેડિટકાર્ડની માહિતી વેરિફિકેશન કરવાને બહાને ઓટીપી નંબર માગીને ગઠિયા ચીટિંગ આચરે છે
ઓનલાઇન શોપિંગ બાદ ગ્રાહક કસ્ટમર કેરનો નંબર ગૂગલ પર સર્ચ કરીને પૈસા પરત લેવા માટે ફોન કરે ત્યારે ઠગ પૈસા પરત કરવા માટે એકાઉન્ટ ડિટેલ
અને ઓટીપી માગીને રૂપિયા ખંખેરી લેતા હોય છે.
સોશિયલ સાઇટ પર વસ્તુ ખરીદવાને બહાને ગઠિયા વેચનાર વ્યકિતને ગૂગલ પે એપ ઇન્સ્ટોલ કરાવી તેમાં પૈસાની રિકવેસ્ટ મોકલે છે અને પે-નું બટન ક્લિક કરવાનું કહીને બેન્ક બેલેન્સ ખાલી કરી દે છે
નોકરી અપાવવાને બહાને વેરિફિકેશન કોડ, રજિસ્ટ્રેશન ફોર્મની આડમાં લાખો રૂપિયા યુવાનો પાસે પડાવવામાં આવે છે.
પેટીએમ અપગ્રેડ કરવાનું કહીને ગઠિયા ગ્રાહક પાસેથી તમામ વિગતો લઇને રૂપિયાનું ચીટિંગ કરે છે.
યુપીઆઇ ફ્રોડમાં એક લિંક ઠગ દ્વારા મોકલવામાં આવે છે અને બાદમાં તે લિંક પર ક્લિક કરતાં તમામ વિગતો અને ડેટા ઠગ ટોળકી પાસે પહોંચી જાય છે અને ત્યારબાદ ચીટિંગ થાય છે
ડિજિટલ વોલેટ કંપનીઓ ક્યુઆર કોડ સ્કેન કરાવતી હોય છે અને આવો જ કોડ ઠગ ટોળકી કંપનીના નામે મોકલે છે જે સ્કેન કરવાને નામે લોકોનાં નાણાં ચાંઉ કરાય છે.
બેન્ક એકાઉન્ટ તથા ડેબિટકાર્ડ અપડેટ કરવાનું કહીને લોકો ગ્રાહકો પાસેથી એપ્લિકેશન ડાઉનલોડ કરાવે છે અને જો ગ્રાહકને સમજ પડે નહીં તો તે જાતે અપગ્રેડ કરી દેશે તેમ કહીને વિગતો મેળવી લે છે.
ફેસબુક અને ઇન્સ્ટાગ્રામ પર આકર્ષક જાહેરાત મૂકીને ગઠિયા લોકો પાસેથી નાની અમથી રકમ ભરાવીને લઇ લે છે.
આર્મીમેનના નામે સસ્તી ચીજવસ્તુ વેચવાને બહાને લાખો રૂપિયાની ઠગાઇ થઇ રહી છે.
કઈ રીતે કાળજી રાખવી?
બેન્કમાંથી બોલું છું કહી વાત કરતી વ્યક્તિને ફોન પર કોઇ માહિતી ન આપવી.
OLX, ફેસબુક, ઇન્સ્ટાગ્રામ પર બુક કરાવેલી વસ્તુની ડિલિવરી લઇ ચેક કર્યા બાદ વ્યવહાર કરવો.
વોટ્સએપ, ફેસબુક કે ઇન્સ્ટાગ્રામ જેવા સોશિયલ મીડિયા દ્વારા અપાતાં આઇકાર્ડ, પાનકાર્ડ, આધારકાર્ડ સાચાં માનવાં નહીં.
ઠગાઈ કરનારા લોકો હંમેશાં હિંદી ભાષાનો ઉપયોગ કરે છે, જેથી કોઈ પણ માહિતી માગે તો આપવી નહીં.
સાયબર ગુનાનો ભોગ બન્યા બાદ સૌપ્રથમ શું કરવું?
જોબ ફ્રોડ, લોટરી ફ્રોડ, કસ્ટમર કેર ફ્રોડ, કેવાયસી ફ્રોડ, ઈ-કોમર્સ ફ્રોડ, ડેબિટ-ક્રેડિટ કાર્ડ સંબંધિત સાયબર ફ્રોડ તથા અન્ય કોઈ પણ પ્રકારના સાયબર ફ્રોડ અંગે ગુજરાતનો કોઈ પણ નાગરિક ૧૦૦ નંબર તથા સાત નવનિર્મિત જિલ્લાના નાગરિકો ૧૧ર નંબર ડાયલ કરીને વિના સંકોચે ફરિયાદ કરી શકે છે. ગુજરાત પોલીસની સાયબર યુનિટની ટેકનિકલ ટીમ દ્વારા ત્વિરત કાર્યવાહી કરી ફરિયાદનું તાત્કાલિક નિવારણ કરે છે.