વધારો / મોંઘવારીના માર વચ્ચે પીસાતી જનતા! ડુંગળીની કિંમતમાં જોવા મળ્યો 400 ટકાનો વધારો, અન્ય રોજીંદી વસ્તુ થઇ મોંઘી

• જીવન જરૂરિયાત વસ્તુઓની કિંમત વધતા સામાન્ય જનતાનું જીવવું બન્યું મુશ્કેલ
• 22 જીવન જરૂરિયાત વસ્તુઓની કિંમતમાં થયો વધારો
• માર્ચમાં ડુંગળીની કિંમત 15.87 પ્રતિ કિલો હતી, ડિસેમ્બરમાં 81 રૂપિયે પહોંચી

કેન્દ્રીય ગ્રાહક બાબતો, ખાદ્ય અને જાહેર વિતરણ પ્રધાન રામ વિલાસ પાસવાન દ્વારા લોકસભામાં આપવામાં આવેલ જાણકારીથી અંગેની વાતની પુષ્ટી થયેલ છે. માર્ચથી ડિસેમ્બર સુધીમાં ડુંગળીની કિંમતમાં પાંચ ગણો વધારો જોવા મળ્યો છે. 

કેન્દ્રીય મંત્રી સાંસદ રાહુલ રમેશ શેવાલે અને ભર્તૃહરિ મહતાબના સવાલોના લેખિત જવાબ આપતા જણાવ્યું કે આવશ્યક વસ્તુઓની જે કીંમત યાદી સોંપવામાં આવી છે તેનાથી એવુ લાગે છે કે ચોખા, ઘઉં, લોટ, દાળ, તેલ, ચા, ખાંડ અને ગોળ સહિત શાકભાજી અને દૂધની કિંમતોમાં જાન્યુઆરીની સરખામણીએ વર્ષના અંતિમ મહિના ડિસેમ્બરમાં વધારો જોવા મળ્યો છે. 

 ગ્રાહક બાબત વિભાગ દ્વારા મોનીટરીંગ કરવામાં આવતી 22 આવશ્યક વસ્તુઓમાંથી મોટે ભાગની વસ્તુઓની કિંમતમાં વધારો જોવા મળ્યો છે. ખાસ કરીને બટાકા, ટામેટા અને ડુંગળીની કિંમતોમાં વધારો થયો છે. બંને સાંસદોએ ગ્રાહક બાબતો, ખાદ્ય તેમજ સાર્વજનિક સહાય મંત્રી પાસેથી આ વર્ષની આવશ્ય વસ્તુઓની કિંમતોના વધારા અંગેની જાણકારી માંગી હતી. આ સાથે કેન્દ્રીય મંત્રી પાસેથે કીંમતો પર નિયંત્રણ લાદ્દવા સરકાર દ્વારા શુ પગલા લેવામાં આવ્યા તે અંગેની જાણકારી માંગી હતી. 

એક મીડિયા રિપોર્ટ અનુસાર ડુંગળીનો સરેરાશ છૂટક ભાવ આ વર્ષના માર્ચ મહિનામાં 15.87 પ્રતિ કિલો હતો જે 3 ડિસેમ્બર 2019ના રોજ 81.9 ટકા પ્રતિ કિલો જોવા મળ્યો. આમ માર્ચ બાદ ડુંગળીની કિંમતમાં 416 ટકાનો વધારો જોવા મળ્યો છે. જ્યારે ચોખા અને ઘઉંની કિંમતમાં અંદાજે 10 ટકાનો વધારો થયો છે જ્યારે દાળની કિંમતમાં 30 ટકા સુધીની કિંમતો વધેલી જોવા મળી છે.