કોરોના વાયરસના કારણે દુનિયાના ઘણા બધા દેશોના અર્થતંત્રને નુકસાન થઇ રહ્યું છે, વિવિધ દેશોમાં કોરોના વાયરસના કારણે લોકડાઉન કરી દેવામાં આવતા ધંધો રોજગાર બંધ કરી દેવામાં આવેલ છે છતાય વન પ્લસ કંપનીએ એક મિનીટમાં 100 કરોડ રૂપિયાના સ્માર્ટફોન વેચી નાખ્યા છે.
માત્ર એક મિનીટમાં વેચાઈ ગયા 100 કરોડ રૂપિયાના સ્માર્ટફોન
ભારતમાં આ સ્માર્ટફોનની કિંમતનો ખુલાસો થયો નથી
ચીનમાં વન પ્લસ 8ની કિંમત 43, 200 રૂપિયાથી શરુ થાય છે
કોરોના મહામારી અને લોકડાઉન વચ્ચે વનપ્લસના સ્માર્ટફોનને જોરદાર રિસ્પોન્સ મળી રહ્યો છે. 17મી એપ્રિલના રોજ OnePlus 8ની સીરીઝના માત્ર એક જ મિનીટમાં 100 કરોડથી વધારે રૂપિયાના ફોન વેચાઈ ગયા. ચીનમાં થયેલી સેલમાં બેસ અને OnePlus 8 Pro વેરીયન્ટને પણ સામેલ કરવામાં આવ્યો હતો. ચીનમાં વન પ્લસ 8ની કિંમત 43, 200 રૂપિયાથી શરુ થાય છે જ્યારે આ ફોનને ચીનમાં શાનદાર સફળતા મળી રહી છે.
કયા વેરીયન્ટના સ્માર્ટફોનનું વેચાણ કરાયું ?
17 એપ્રિલના રોજ કરવામાં આવેલ વેચાણમાં 8 જીબી રેમ અને 128 જીબી સ્ટોરેજ વાળા OnePlus 8 ને સામેલ કરવામાં અઆવ્યો હતો. આ ફોનમાં આ સિવાય 12 જીબી રેમ અને 256 જીબી સ્ટોરેજ ધરાવતા વેરીયન્ટનું વેચાણ પણ કરવામાં આવ્યું હતું. આ સિવાય OnePlus 8 Pro નું વેચાણ પણ સામેલ કરવામાં આવ્યું હતું.
ઓનલાઈન અને ઓફલાઈન ડેટા સામેલ
નોંધનીય છે કે આ વેચાણમાં ચીનના પ્રમુખ પ્લેટફોર્મના ડેટાને સામેલ કરવામાં આવ્યા હતા. જેમાં ઓફલાઈન સ્ટોર્સ પર વેચાણ, કંપનીની ઓફિશિયલ વેબસાઈટ, ઈકોમર્સ, તથા રિટેલિંગ પ્લેટફોર્મની માહિતી પણ સામેલ છે. ઘણા અહેવાલમાં દાવો કરવામાં આવ્યો કે એક મિનિટના આ વેચાણમાં વનપ્લસના 20 હજાર યુનિટ્સનું વેચાણ કરવામાં આવ્યું છે.
નોંધનીય છે કે આ OnePlus 8 સીરીઝના સ્માર્ટફોન્સ કંપનીએ એક ઓનલાઈન ઈવેન્ટમાં લોન્ચ કર્યા હતા. તથા ભારતમાં હજું આ સ્માર્ટફોન્સની કિંમતનો ખુલાસો કરવામાં આવ્યો નથી.
OnePlus 8 Pro સ્માર્ટફોનમાં ફોનની પાછળ 4 કેમેરા આપવામાં આવ્યા છે. જ્યારે OnePlus 8 માં ટ્રીપલ કેમેરા આપવામાં આવ્યા છે. બન્ને ફોનમાં પ્રાઈમરી કેમરા 48 મેગાપીક્સલના આપવામાં આવ્યા છે. ફરક એટલો છે કે OnePlus 8 Pro માં સોનીનું IMX689 સેન્સર આપવામાં આવ્યું છે જ્યારે OnePlus 8 માં સોનીનું IMX586 સેન્સર આપવામાં આવ્યું છે. બંને ફોનમાં સ્નેપડ્રેગનનું પ્રોસેસર આપવામાં આવ્યું છે.