સમસ્યા / OnePlus 7 Bug: ફોન સ્વીચ ઓફ થયા પછી ઑન નથી થતો તો યુઝર્સ ખાસ વાંચે

વનપ્લસ 7 પ્રોના યુઝર્સ અત્યારે એક એવા બગથી પરેશાન છે જેમાં ફોન તેની મેળે અવારનવાર સ્વીચ ઓફ થઇ જાય છે. તેમાં શટડાઉન તરીકે ઓળખાતો બગ આવી ગયો છે. તેનાથી યુઝર્સ ભારે પરેશાન છે. એન્ડ્રોઇડ પોલીસ વેબસાઇટના જણાવ્યા મુજબ આ પ્રોબ્લેમને વનપ્લસ ફોરમ પર પણ પોસ્ટ કરવામાં આવ્યો છે. ફોન સ્વીચ ઓફ થયા પછી આસાનીથી ઓન થતો નથી.

ઉલ્લેખનીય છે કે, તેના માટે વોલ્યુમ અને પાવર બટનને એક સાથે દબાવવું પડે છે એટલે કે રિબુટનો સહારો લેવો પડે છે. વનપ્લસે પણ આ પ્રોબ્લેમ અંગે જણાવ્યું છે કે તેને જાણકારી છે. કંપની તેને ફિકસ કરવાનો પ્રયત્ન કરી રહી છે.

આપને જણાવી દઇએ કે, ગુગલે તેનો ફલેગશીપ ફોન પિકસેલ 3 અને પિકસેલ 3 એકસ એલ લોન્ચ કર્યો ત્યારે તેમાં પણ સોફટવેર અને બગની સમસ્યા થઇ હતી. ગુગલ પોતે એન્ડ્રોઇડ ઓપરેટિંગ સિસ્ટમ ડેવલપ કરે છે અને ગુગલના ફોન સ્ટોક એન્ડ્રોઇડ અને તેના વર્લ્ડ કલાસ કેમેરા માટે જાણીતા છે. તેમ છતાં પિકસેલ 3 સિરીઝમાં શરુઆતમાં સોફટવેરની અનેક સમસ્યા થઇ હતી.