અમદાવાદથી ગોવાની ફ્લાઈટ ટીકીટના ભાવ હાલ 13 હજાર પહોચી ગયા છે. સામાન્ય દિવસોમાં ભાડુ 3500 હોય છે. પરંતુ 15 ઓગસ્ટની રજાને માણવા લોકો ગોવા જવા રવાના થયા છે. જેથી ભાવ વધ્યા છે.
અમદાવાદથી ગોવા વન વે ફ્લાઈટ ટીકીટ 13 હજાર
રજાના દિવસોમાં ભાડામાં ભયંકર ઉછાળો
સામાન્ય દિવસોમાં ફ્લાઈટનું ભાડુ 3500
જો તમે રજાના દિવસોમાં હાલ ગોવા જવાનું વિચારી રહ્યા છો. તો તમારે હવે વધારે રૂપિયાનો ખર્ચો કરવો પડશે. સામાન્ય દિવસોની સરખામણીએ ગોવાની ફ્લાઈટની ટીકીટોમાં બમણો વદારો કરવામાં આવ્યો છે. સાંભળીને આપને નવાઈ લાગશે કે અમદાવાદ-ગોવાની વન વે ટિકીટ 13 હજારને પાર પહોચી ગઈ છે.
સામાન્ય દિવસોમાં 5300 ભાડુ
સામાન્ય દિવસોમાં અમદાવાદ-ગોવાનું વન-વે વિમાની ભાડું 3500 રૂપિયા હોય છે. પરંતુ 15 ઓગસ્ટની રજાઓ આવી રહી છે. જેથી લોકો ગોવા વધારે જઈ રહ્યા છે. પરિણામે હવે વન-વે ટિકીટનો ભાવ 13 હજાર નજીક પહોચી ગયો છે.
RTPCR ટેસ્ટ ફરજિયાત
જોકે અન્ય ગોવા જનારા લોકોએ RTPCR ટેસ્ટ ફરજિયાત કરવો પડે છે. સામાન્ય દિવોસની સરખામણીએ ગોવાના બધાજ રિસોર્ટનું ભાડું 10 થિી 20 ટકા જેટલું વધારે જોવા મળી રહ્યું છે. શનિરવીની રજા હોવાને કારણે લોકો ગોવા ફરવા માટે વધારે જઈ રહ્યા છે. જેના કારણે એકાએક ભાવ વધારો જોવા મળ્યો છે.
સંક્રમણ ઘટતા લોકો ફરવા નીકળ્યા
ઉલ્લેખનીય છે કે હાલ કોરોના સંક્રમણ ઘટ્યું છે, જેના કારણે પર્યટન સ્થળો હાઉસફૂલ જોવા મળી રહ્યા છે. તેવામાં ગોવા જવા તો લોકો પડાપડી કરી રહ્યા છે. જેથી અમદાવાદ-ગોવાનું એરફેર 15 હજારને પાર થાય તેવી સંભાવના વર્તાઈ રહી છે.