વીરપસલીમાં વચન / આઠ લાખનો ઈનામી નક્સલી 12 વર્ષે ઘરે આવ્યો તો રાખડીની સામે બહેને માંગી આ ભેટ, અને પછી...

• 10 વર્ષની ઉંમરથી હથિયાર લઇ લીધા હતા
• 12 વર્ષે નક્સલી ઘરે આવ્યો હતો બહેને કહ્યું આત્મસમર્પણ કરી દો 
• આઠ લાખના ઈનામી નક્સલીએ આત્મસમપર્ણ કરી દીધું 

મલ્લા જ્યારે 10 વર્ષનો હતો ત્યારે તેના કાકા  તેને પોતાની સાથે લઇ ગયા હતા અને તેને નક્સલી બનાવી દીધો. મલ્લા હવે નક્સલવાદી બની ગયો હતો. હવે જ્યારે બહેનના હેતથી તે રક્ષાબંધન પર્વ મનાવવા માટે ઘરે પરત આવ્યો તો લિંગેએ કહ્યું કે રાખડી ત્યારે જ બાંધીશ જ્યારે તમે આત્મસમર્પણ કરશો.

રક્ષા બંધન હોય અને એક બહેન ભાઈ પાસે કંઈ માંગે અને તે નાં આપે આવું તો કઈ રીતે બની શકે. મલ્લાએ તો આત્મસમર્પણ કરી દીધું. લિંગેએ પોતાના ભાઈને પોલીસ સ્ટેશનમાં જ રાખડી બાંધી, આરતી ઉતારી, મીઠાઈ ખવડાવી. 

નોંધનીય છે કે પોલીસ ઘણા સમયથી મલ્લાને શોધી રહી હતી. મલ્લાએ એક બે નહીં ઘણા નક્સલી હુમલાઓ કર્યા હતા અને તેના પર પોલીસે આઠ લાખ રૂપિયાનું ઈનામ રાખ્યું હતું. બહેન લિંગેને ભાઈના એન્કાઉન્ટરનો ડર સતાવાતો હતો. 

નોંધનીય છે કે રક્ષાબંધન સમયે ઘણા બધા નક્સલીઓએ આત્મસમપર્ણ કર્યું છે. આશરે 20 દિવસ પહેલા દશમીએ પણ આત્મસમર્પણ કર્યું હતું. તેના પર પોલીસે પાંચ લાખ રૂપિયાનું ઈનામ રાખ્યું હતું. જ્યારે તેણે આત્મસમર્પણ કર્યું ત્યારે ભાઈને અપીલ કરી હતી કે તે આત્મસમર્પણ કરી દે. દશમીએ કહ્યું કે લગ્નના 6 મહિના બાદ પતિને એન્કાઉન્ટરમાં ઠાર મારવામાં આવ્યા હતા અને હવે તે ભાઈને નથી ગુમાવવા માંગતી.