વલસાડમાં મામા ફઈ બા ના ભાઈ બહેન જેવા પવિત્ર સંબંધને પણ એક તરફી સનકી પ્રેમીએ લાંછન લગાવ્યું.
વલસાડમાં મામાની પુત્રીનું અપહરણ
આરોપી નીકળ્યો એક તરફી પ્રેમમાં પાગલ
50 કલાકસુધી પોલીસ શોધતી રહી આરોપીને
વલસાડ જિલ્લાના પરીયામાં મામાની સગીર પુત્રીનું અપહરણ કરનાર શાતિર આરોપીને આખરે પોલીસે સંકજામાં લઇ લીધો. આ આરોપી અને તેના સાથીને ઝડપી પાડવા વલસાડ જિલ્લાભરની પોલીસને 50 કલાક સુધી હંફાવી હતી. પરંતુ વલસાડ જિલ્લા પોલીસના 150થી વધુ જવાનો 15 અધિકારીઓ 400 થી વધુ ગ્રામજનો 40 થી વધુ બાઇક સહિતના કાફલાએ 50 કલાક સુધી જંગલ વિસ્તારમાં રાત દિવસ સર્ચ ઓપરેશન હાથ ધરતા આખરે 50 કલાક બાદ પોલીસને સફળતા મળી છે.. મહત્વનુ છે કે આરોપીએ મામાના પરિવાર પર જીવલેણ હુમલો કરીને સગીરાને લઇને ફરાર થઇ ગયો હતો. ત્યારે જાણીએ કેવી રીતે બની સમગ્ર ઘટના.
મામાની દીકરીનું લગ્નના ઇરાદે અપહરણ
વલસાડ જિલ્લાના પારડી તાલુકાના પરિયા ગામમાં ગત શુક્રવાર ના રોજ એક તરફી પાગલ પ્રેમીએ પોતાના જ મામાની સગીર દિકરીનું લગ્ન કરવા ના ઇરાદે અપહરણ કરી મામાના પરિવારજનો પર તિક્ષ્ણ હથિયાર વડે હુમલો કરી અને ફરાર થઈ ગયો હતો.. પરિયાના માથાભારે સુનિલ પટેલ નામનો આ યુવક તેના જ મામાની દીકરી સાથે એક તરફી પ્રેમમાં ભાન ભૂલ્યો હતો.. અને મામાના ઘરે જઈ મામી અને મામા પર તિક્ષ્ણ હથિયારો વડે હુમલો કરી અને મામાની સગીર દીકરીનું અપહરણ કરી અને ફરાર થઈ ગયો હતો .. સગીરાની માતા અને તેના કાકાને ગંભીર ઈજા થતાં તાત્કાલિક સારવાર માટે પારડીની મોહન દયાલ હોસ્પિટલ માં ખસેડવામાં આવ્યા હતા.. બનાવની જાણ થતાં જ પારડી પોલીસ સ્થળ પર પહોંચી હતી ..અને સગીરા અને તેનું અપહરણ કરનાર આરોપી સુનિલ પટેલ અને તેના અન્ય એક સગીર સાથી ની શોધખોળ કરવા માટે તપાસ હાથ ધરી હતી.
150થી વધારે પોલીસકર્મી જોડાયા સર્ચ ઓપરેશનમાં
આરોપી સુનિલ પાસે તિક્ષણ હથિયારો હતાં આથી સગીરાનો જીવ જોખમમાં હોવાથી વલસાડ જિલ્લા પોલીસવડા સહિત જિલ્લાના ઉચ્ચ પોલીસ અધિકારીઓ પણ ઘટનાની ગંભીરતા જાણી ઓપરેશન માં જોડાયા હતા...જો કે આરોપી સગીરાને લઈ અને પરિયા ગામના છેવાડે આવેલા જંગલ વિસ્તારમાં ફરાર થઈ ગયો હતો.. આથી તેને શોધવા વલસાડ જિલ્લા પોલીસના ઉચ્ચ અધિકારીઓ અને પોલીસકર્મીઓ મળી 150 થી વધુ પોલીસ કર્મીઓની ટીમએ સર્ચ ઓપરેશન હાથ ધર્યું હતું.. રાત્રે પણ શોધખોળ કરવા પોલીસ દ્વારા નાઇટ વિઝન ડ્રોન નો પણ ઉપયોગ કરવામાં આવ્યો હતો.. જોકે રાતભર ચાલેલા સર્ચ ઓપરેશનમાં વહેલી સવારે સગીરાનો હેમખેમ છુટકારો કરવામાં પોલીસને સફળતા મળી હતી..
9 ગામના યુવકો પણ સર્ચ ઓપરેશનમાં જોડાયા
સગીરાના આબાદ બચાવ બાદ પોલીસ માટે આ ખૂંખાર અને શંકી ઈસમ ને ઝડપવા પડકાર હતો .. આથી આરોપીઓને શોધવા પોલીસે પરિયા અને આસપાસ માં આવેલા 9 જેટલા ગામો ના યુવકોની પણ મદદ લીધી હતી..અને આસપાસ ના ગામો ના 400 થી વધુ યુવકો અને 50 થી વધુ બાઈક સવારો પણ સર્ચ ઓપરેશન માં પોલીસ ની મદદ માટે જોડાયા હતા .અને વાડી અને જંગલ વિસ્તારમાં સર્ચ ઓપરેશન ચાલુ રાખ્યું હતું..અંતે સોમવાર ની સવારે વલસાડ પોલીસે આરોપી સુનિલ અને તેના સગીર સાગરીત ને ઝડપી પાડવા માં સફળતા મળી,
સનકી પ્રેમી અંગે દિકરીના પરિવારને હતી જાણ
આ ઘટનામાં મામા ફઈ બા ના ભાઈ બહેન જેવા પવિત્ર સંબંધને પણ એક તરફી સનકી પ્રેમી એ લાંછન લગાવ્યું હતું... આ સનકી પ્રેમી તેની મામાની દીકરી સાથે એક તરફી પ્રેમમાં હોવાનો બંને પરિવારોને છેલ્લા એક વર્ષથી જાણ હતી . તેમ છતાં ભોગ બનનાર સગીરાના પરિવારજનો આ અંગે સમાજમાં લોકલાજ જવાના ડરે ચૂપ રહ્યા હતા જ.. આથી આ માથાભારે પ્રેમીની હિંમત વધતા એક વર્ષથી પરિવાર ને અવાર નવાર ધમકીઓ આપતો હતો..તેમ છતાં પણ પરિવારજનો ચૂપ રહેતા તેનું ગંભીર પરિણામ આવ્યું હતું . જો કે પરિવારમાં બહેન થતી સગીરા ના અપહરણ અને 18 કલાક સુધી બાનમાં રાખનાર શંકી અને માથાભારે ઈસમ અંતે પોલીસ પાંજરે પુરાઈ ગયો છે.