દુ:ખદ  / MP-રાજસ્થાનમાં પ્લેન ક્રેશ દુર્ઘટનામાં એક પાયલટ શહીદ, અન્ય ઇજાગ્રસ્ત હોસ્પિટલમાં દાખલ

• રાજસ્થાન-મધ્યપ્રદેશમઅ વિમાન દુર્ઘટનાથી દેશમાં ખળભળાટ
• એરક્રાફ્ટ સુખોઈ-30 અને મિરાજ-2000 અચાનક હવામાં ક્રેશ
• મિરાજના પાયલોટ શહીદ, ઘાયલ પાયલોટ હોસ્પિટલમાં દાખલ 

ભારતમાં આજે એટલે કે શનિવારે વિમાન દુર્ઘટનાથી ખળભળાટ મચી ગયો છે.  ભારતીય વાયુસેનાના ફાઈટર એરક્રાફ્ટ સુખોઈ-30 અને મિરાજ-2000 અચાનક હવામાં ક્રેશ થઈ ગયા. બે વિમાનમાંથી એક મધ્યપ્રદેશના મુરઇના જિલ્લામાં અને બીજું રાજસ્થાનના ભરતપુર જિલ્લામાં પડ્યું હતું. બંને વિમાન બળીને રાખ થઈ ગયા હતા. મુરઇનાના પહાડગઢમાં સુખોઈ ક્રેશ થયું, જેના ઘાયલ પાયલોટને હોસ્પિટલમાં દાખલ કરવામાં આવ્યા છે. જ્યારે મિરાજના એક પાયલોટ શહીદ થયા છે.  

ભારતીય વાયુસેના (IAF) એ હવે મધ્યપ્રદેશના મોરેના જિલ્લામાં શનિવારે સવારે થયેલા ફાઇટર જેટ ક્રેશ અંગે નિવેદન બહાર પાડ્યું છે. એવું કહેવામાં આવ્યું છે કે સુખોઈ-30 અને મિરાજ 2000 એરક્રાફ્ટ નિયમિત પ્રેક્ટિસ દરમિયાન આકાશમાં ટકરાયા હતા. જે બાદ બંને જેટમાં આગ લાગી હતી અને એક મોરેનાના જંગલોમાં ક્રેશ થયું હતું. જ્યારે બીજું ફાઈટર જેટ ભરતપુર જિલ્લામાં ક્રેશ થયું હતું.

ભારતીય વાયુસેના દ્વારા આપવામાં આવેલ નિવેદન અનુસાર, આજે ગ્વાલિયર પાસે વાયુસેનાના બે વિમાન દુર્ઘટનાગ્રસ્ત થયા હતા, બંને એરક્રાફ્ટ રૂટિન ટ્રેનિંગ માટે ઉડાન ભરી રહ્યા હતા. અકસ્માત કેમ થયો તેને લઈને તપાસ શરૂ કરી દેવામાં આવી છે. સમગ્ર મામલે નોર્ધન કમાન્ડના પૂર્વ કમાન્ડર બીએસ જયવાલે જણાવ્યું કે, બ્લેક બોક્સમાંથી જ સમગ્ર ઘટનાનો ખુલાસો થશે. પરંતુ બંને પ્લેનનું એકસાથે ક્રેશ થવું આશ્ચર્યજનક બાબત છે. 

Two fighter aircraft of IAF were involved in an accident near Gwalior today morning. The aircraft were on routine operational flying training mission.
One of the three pilots involved, sustained fatal injuries. An inquiry has been ordered to determine the cause of the accident.

— Indian Air Force (@IAF_MCC) January 28, 2023

શનિવારે સવારે મુરેના જિલ્લામાં સુખોઈ-30 અને મિરાજ-2000 એરક્રાફ્ટ દુર્ઘટનાના સમાચારથી ખળભળાટ મચી ગયો હતો.જાણવા મળ્યું છે કે આ બંને એરક્રાફ્ટ સવારે 9.15 વાગ્યે ગ્વાલિયર એરબેઝથી ઉડાન ભરી હતી. 50 કિમી કવર કર્યા બાદ વિમાનમાં હવામાં આગ લાગી અને મોરેનાના પહાડગઢ જંગલમાં પડી ગયું. આ અકસ્માતમાં પાયલોટ પોતાને બચાવવામાં સફળ રહ્યો હતો.

મોરેના કલેક્ટરે શું કહ્યું ? 
મોરેના કલેક્ટર અંકિત અસ્થાનાએ જણાવ્યું કે, વિમાનના બંને પાયલટને બચાવી લેવામાં આવ્યા છે. બંનેને ઈજાગ્રસ્ત હાલતમાં હોસ્પિટલમાં દાખલ કરવામાં આવ્યા છે. હાલ આ વિસ્તારમાં સર્ચ ઓપરેશન ચાલી રહ્યું છે.

The two aircraft had taken off from the Gwalior air base in Madhya Pradesh where an exercise was going on. More details awaited: Defence sources

— ANI (@ANI) January 28, 2023

3 માંથી 1 પાયલોટનું મોત 
મોરેના એસપી આશુતોષ બાગરીએ જણાવ્યું હતું કે, વાયુસેના તરફથી મળેલી માહિતી અનુસાર એક વિમાનમાં 2 પાયલટ હતા અને બીજામાં માત્ર એક પાયલટ હતો. બે પાઈલટ સુરક્ષિત મળી આવ્યા છે જ્યારે અન્ય વિમાનના એક પાઈલટના શરીરના ભાગો મળી આવ્યા છે. આ સાથે રાજસ્થાનના ભરતપુરમાં પણ એક વિમાનના કેટલાક ભાગો પડી ગયા છે.

Rajasthan | A chartered aircraft crashed in Bharatpur. Police and administration have been sent to the spot. More details are awaited: District Collector Alok Ranjan pic.twitter.com/wfbofbKA3I

— ANI MP/CG/Rajasthan (@ANI_MP_CG_RJ) January 28, 2023

ભરતપુરમાં પણ વિમાન ક્રેશ થયું
આતરફ રાજસ્થાનના ભરતપુર જિલ્લાના ઉચૈન પોલીસ સ્ટેશન વિસ્તારના પિંગોરા ગામ પાસે આગના ગોળામાં અન્ય એક ફાઈટર પ્લેન જમીન પર પડ્યું હતું. જિલ્લા કલેક્ટર આલોક રંજને જણાવ્યું કે, ગ્વાલિયર યુનિટ પાસે ભારતીય વાયુસેનાનું એક વિમાન છે. હાલમાં મળતી માહિતી મુજબ પાઇલોટ બહાર નીકળી ગયા હતા. તેનું લોકેશન ટ્રેસ કરવામાં આવી રહ્યું છે.

#WATCH | Rajasthan, Bharatpur | Wreckage of jet seen. Earlier report as confirmed by Bharatpur District Collector Alok Ranjan said charter jet, however, defence sources confirm IAF jets have crashed in the vicinity. Therefore, more details awaited. pic.twitter.com/005oPmUp6Z

— ANI (@ANI) January 28, 2023

આ સાથે જ રક્ષા મંત્રી રાજનાથ સિંહથી લઈને મધ્યપ્રદેશના મુખ્યમંત્રી શિવરાજ સિંહ ચૌહાણ દુર્ઘટના પર નજર રાખી રહ્યા છે. સીએમ શિવરાજે બચાવ અને રાહત કાર્ય માટે મુરેના કલેક્ટરને જરૂરી સૂચનાઓ આપી છે.