રિસર્ચ / હૃદય રોગની બીમારીઓ વધવાના કારણોમાં એક પુર્વજો પણ છે?

અમેરિકાની યુનિવર્સીટી ઓફ કેલિફોર્નિયાના સેન ડિયાગો સ્કુલ ઓફ મેડિસીનના અભ્યાસકર્તોએ રિસર્ચ કરીને સાબિત કર્યું છે કે, આપણા પુર્વજોમાં 20થી 30 લાખ વર્ષો પહેલાં એક જીન્સ નષ્ટ થઇ જવાથી હૃદયને લગતી બીમારીઓનું જોખમ વધતું જાય છે.

છેલ્લા ઘણા સમયથી મનુષ્યોમાં હૃદય સંબંધિત બીમારીઓનું પ્રમાણ વધી રહ્યુ છે. આજકાલ ખાણી પીણીની વિચિત્ર ટેવોને કારણે હૃદયના સ્વાસ્થ્યની સાવ અવગણના કરવામાં આવા રહી છે. અમેરિકાની યુનિવર્સીટી ઓફ કેલિફોર્નિયાના સેન ડિયાગો સ્કુલ ઓફ મેડિસીનના અભ્યાસકર્તોએ રિસર્ચ કરીને સાબિત કર્યું છે કે, આપણા પુર્વજોમાં 20થી 30 લાખ વર્ષો પહેલાં એક જીન્સ નષ્ટ થઇ જવાથી હૃદયને લગતી બીમારીઓનું જોખમ વધતું જાય છે. આ અભ્યાસમાં માંસાહારી લોકોમાં આ સમસ્યા વધારે હોવાનું સામે આવ્યું છે.

સંશોધકો દ્વારા જાણવા મળ્યું છે કે, ચરબી જમાં થવાથી ધમનીઓમાં અવરોધ આવે છે જેને એથેરોસ્કલેરોસિસ કહેવાય છે. તે દુનિયાભરમાં હૃદય રોગોથી થતાં મૃત્યુમાં ત્રીજા ભાગના મૃત્યુ માટે જવાબદાર છે.

રિસર્ચ શું કહે છે
આ અભ્યાસમાં મેડિકલ સહાયક અધ્યાપક અને અન્ય સંશોધકોએ જીન્સમાં થયેલા મ્યુટેશન પર રિસર્ચ કરવા માટે ઉંદરો પર અભ્યાસ કર્યો છે કે, ઉંદરોમાં પણ CMAH જીન્સમાં બદલાવ જોવા મળ્યો છે. કરોડો વર્ષો પહેલાં હોમિનન પૂર્વજોમાં CMAH જીન્સમાં ફેરફાર કર્યા હોવાનું સંશોધકો માની રહ્યાં છે. જે 'મેલેરિયલ પેરેસાઇટ' Neu5Gc જીન્સ સાથે પણ સંકળાયેલા છે.

તેની અસર શું થાય છે
સંશોધકોના જણાવ્યા અનુસાર આ જોખમના અનેક પરિબળો હોઈ શકે છે, જેમાં હાયપરએક્ટિવ વ્હાઇટ સેલ્સ અને ડાયાબિટીસનો સમાવેશ થાય છે. આ અભ્યાસમાં સામે આવ્યું કે, શાકાહારી માનવીઓને પણ હૃદયને લગતી બીમારીઓ થઈ શકે છે. માંસાહારી લોકો જે લાલ માંસ ખાય છે તેવા લોકોમાં Neu5Gc જીન્સની માત્રા ઘટતી જાય છે. આ જીન્સ ઘટી જવાની અસર ફર્ટિલિટી પર અને દોડવા માટેની ક્ષમતામાં પણ પડે છે.