કુવૈત અગ્નિકાંડ / કુવૈતમાં ફસાયેલા સાબરકાંઠાના 10 લોકોમાંથી એકની ઘર વાપસી, વર્ણવી ચોંકાવનારી આપવીતિ

Sabarkantha News : કુવૈતની એક ઇમારતમાં આગ લાગવાની ઘટનામાં વધુ એક અપડેટ સામે આવી છે. વિગતો મુજબ કુવૈતમાં ફસાયેલા સાબરકાંઠાના 10 લોકોમાંથી એકની વ્યક્તિની ઘરવાપસી થઇ છે. અલ્પેશ પટેલ નામના યુવકની કુવૈતથી ફિંગર પ્રિન્ટ લઇ તેને ભારત પરત મોકલાયો છે. જેથી હવે ભવિષ્યમાં તે ક્યારેય કુવૈત જઇ શકશે નહિ. નોંધનિય છે કે, હજુપણ સાબરકાંઠાના 9 લોકો કુવૈતમાં ફસાયેલા છે.

તમને બધાને યાદ હશે કે 12 જૂનના કુવૈતની એક ઇમારતમાં અચાનક આગ લાગતાં 50 લોકોના મોત થયા હતા. આ દુર્ઘટનામાં 45 ભારતીયના પણ મોત થયા હતા. આ તરફ તપાસ દરમિયાન આ લોકોકુવૈતમાં ગેરકાયદે રહેતા હોવાનો ખુલાસો થતાં કુવૈત પોલીસે તપાસ કરી રહી હતી. અત્યાર સુધીની વિગતો મુજબ સાબરકાંઠાના એક જ પરિવારના 10 લોકો ફસાયા હતા. આ દરમિયાન હવે વિજયનગરના દઢવાવના અલ્પેશ પટેલને કુવૈતથી ફિંગર પ્રિન્ટ લઇ મુક્ત કરાયો છે.

વધુ વાંચો : ખેડૂતો તૈયાર રહે! આગામી 5 દિવસ ગુજરાતના આ જિલ્લાઓને ધમરોળવા આવી રહી છે મેઘરાજાની સવારી, જુઓ વેધર અપડેટ

સાબરકાંઠાના વિજયનગરના દઢવાવના અલ્પેશ પટેલને કુવૈતથી મુક્ત કરાયો છે. કુવૈતથી ફિંગર પ્રિન્ટ લઇ તેને ભારત પરત મોકલાયો છે જેથી હવે ભવિષ્યમાં તે ક્યારેય કુવૈત જઇ શકશે નહિ. આ તરફ હવે કુવૈતથી પરત ફરેલા અલ્પેશ પટેલના કહેવા પ્રમાણે હજુ દેશના 500 લોકો ફસાયેલા છે. કુવૈત વહીવટી તંત્ર પ્રતિ દિન 10થી 15 લોકોને મુક્ત કરી રહી છે. આ સાથે હજુપણ સાબરકાંઠાના 9 લોકો કુવૈતમાં ફસાયેલા છે.