રાજનીતિ / મોદી સરકાર GST બાદ હવે લાવી શકે છે આ નવી ટેક્સ સિસ્ટમ

• 2017માં દેશભરમાં એક ટેક્સ GST લાગુ કરાયો હતો
• મોદી સરકાર ફરી એક નવી સિસ્ટમ લાવી રહી છે
• દેશમાં 'વન નેશન, વન રોડ ટેક્સ' લાગુ કરવાની યોજના

સૂત્રોને મળતી માહિતી મુજબ કેન્દ્ર સરકાર સાથે યોજાયેલી કેટલાક રાજ્યોએ ખાનગી ગાડીઓ માટે આ યૂનિફોર્મ રોડ ટેક્સના પ્રસ્તાવને લાગૂ કરવાની મંજૂરી આપી દીધી છે. 

જ્યારે કેટલાક રાજ્યોએ આ પ્રસ્તાવ પર વિચાર કરવા અંગે જણાવ્યું છે. આ રાજ્યોએ જણાવ્યું કે 'વન નેશન, વન રોડ ટેક્સ' લાગુ કરવાથી તેમના રેવન્યુ કલેકશન પર તેની અસર પડી શકે છે. 
 

ખરેખર તો રોડ ટેક્સ કોઇપણ નવી ગાડીનું રજિસ્ટ્રેશન કરાવાના સમયે આપવો પડે છે. GST સાથે લાગનારા આ ટેક્સના કારણે ગાડીઓની કિંમત મોંઘી થઇ જાય છે. એવામાં ગ્રાહકો એવા રાજ્યોમાંથી ગાડી ખરીદે છે, જ્યાં સૌથી ઓછો રોડ ટેક્સ લાગે છે. એવા સમયે વધારે રોડ ટેક્સવાળા રાજ્યની રેવન્યુ કલેકશનને નુકસાન પહોંચે છે. 
 

2018માં રોડ ટેક્સને લઇને રોડ મંત્રાલયે ભલામણ કરી હતી તે જોઇએ. જેમાં જણાવાયું હતું કે જો ગાડી 10 લાખથી ઓછી હોય તો 8 ટકા, જ્યારે 10થી 20 લાખ વચ્ચે હોય તો 10 ટકા, તેમજ 20 લાખથી વધારે હોય તો 12 ટકા રોડ ટેક્સ જણાવાયો હતો. 

હાલની વાત કરીએ તો દરેક રાજ્યમાં રોડ ટેક્સની ગણતરીની ફોર્મ્યુલા અલગ-અલગ છે. દેશની રાજધાની દિલ્હી સહિત કેટલાક રાજ્યો કાર બનાવી, મોડલ, એન્જિન અને બેઠક કેપેસીટીને ધ્યાનમાં લઇને રોડ ટેક્સ લેતા હોય છે, જ્યારે કેટલાક રાજ્યો તેની વેચાણ કિંમતને જોઇને રોડ ટેક્સ લે છે.