કેન્દ્ર સરકાર 'વન નેશન વન રાશનકાર્ડ' લોન્ચ કરવાની તૈયારી કરી રહી છે. જેનાથી લાભાર્થી દેશના કોઇપણ પબ્લિક ડિસ્ટ્રીબ્યૂશન સિસ્ટમ (PDS) દુકાનથી રાશન ખરીદી શકશે. કેન્દ્રીય મંત્રી રામવિલાસ પાસવાને કહ્યું, 'એક રાષ્ટ્ર, એક રાશન કાર્ડ' યોજના 1 જૂનથી શરૂ થશે. આ યોજના હેઠળ જૂનું રાશન કાર્ડ પણ માન્ય ગણાશે.
'વન નેશન વન રાશનકાર્ડ' લોન્ચ કરવાની તૈયારી શરૂ
આ યોજના હેઠળ જૂનું રાશન કાર્ડ પણ માન્ય ગણાશે
1 જૂનથી શરૂ થશે 'વન નેશન વન રાશનકાર્ડ' યોજના
ઉલ્લેખનીય છે કે, 1 જાન્યુઆરી 2020થી દેશના 12 રાજ્યો ગુજરાત, મહારાષ્ટ્ર, આંધ્ર પ્રદેશ, તેલંગાણા, હરિયાણા, રાજસ્થાન, કર્ણાટક, કેરળ, ગોવા, મધ્ય પ્રદેશ, ત્રિપુરા અને ઝારખંડમાં 'વન નેશન વન રાશનકાર્ડ' સુવિધા શરૂ કરી દેવામાં આવી છે. 'વન નેશન વન રાશનકાર્ડ' યોજના સમગ્ર દેશમાં લાગુ થયા બાદ કોઈપણ કાર્ડધારક નેશનલ ફૂડ સિક્યોરિટી એક્ટ (NFSA) હેઠળ કોઇ પણ રાજ્યની રેશનિંગની દુકાનથી પોતાનું રેશન ખરીદી શકશે.
12 રાજ્યોમાં 1 જાન્યુઆરીથી થયું લાગુ
'વન નેશન વન રાશનકાર્ડ' મોદી સરકારની એક મહત્વાકાંક્ષી યોજના છે, જે અંતર્ગત દેશભરના પીડીએસ ધારકોને દેશના કોઈપણ ખૂણામાં જાહેર વિતરણ પ્રણાલીની દુકાનોમાંથી રાશનનો પોતાનો હિસ્સો મળી શકશે. આ યોજના હેઠળ પીડીએસના લાભાર્થીઓને તેમના આધાર કાર્ડ પર ઇલેક્ટ્રોનિક પોઇન્ટ ઓફ સેલ (PoS) ડિવાઇસથી ઓળખવામાં આવશે. રાષ્ટ્રીય ખાદ્ય સુરક્ષા કાયદા હેઠળ કેન્દ્ર સરકાર દેશભરના 80 કરોડથી વધુ લોકોને સસ્તા ભાવે અનાજ ઉપલબ્ધ કરાવે છે.
10 આંકડાવાળો હશે આ રાશન કાર્ડ
'વન નેશન વન રાશનકાર્ડ' યોજનામાં 10 અંકનું કાર્ડ હશે. તેમાં પ્રથમ બે અંકો રાજ્યનો કોડ હશે અને આગળના અંકો રેશનકાર્ડ નંબરને અનુરૂપ હશે. આમાં, પરિવારના દરેક સભ્યની ઓળખ તરીકે રેશનકાર્ડમાં આગામી બે અંકોનો સમાવેશ કરવામાં આવશે. રાશનકાર્ડ બે ભાષાઓમાં આપવામાં આવશે, તેમાં સ્થાનિક ભાષાની સાથે-સાથે બીજી ભાષા હિન્દી અથવા અંગ્રેજીનો ઉપયોગ કરવામાં આવશે.